दूध पिऊन साजरे करा नवीन वर्ष

तीन दिवसांवर येऊन ठेपलेले नवीन वर्ष साजरे करण्याची तयारी प्रत्येकाने सुरू केली असेल. या तयारीमध्ये ‘मद्य’ म्हणजेच दारू हा महत्त्वाचा भाग असतो.

व्यसनमुक्तीसाठी अंनिसचे आवाहननागपूर : तीन दिवसांवर येऊन ठेपलेले नवीन वर्ष साजरे करण्याची तयारी प्रत्येकाने सुरू केली असेल. या तयारीमध्ये ‘मद्य’ म्हणजेच दारू हा महत्त्वाचा भाग असतो. मात्र थांबा! दारूचा पहिला घोट तुमच्या व्यसनास कारणीभूत ठरू शकतो. यामुळे नवीन वर्ष दारू ऐवजी दूध पिऊन साजरे करण्याचे आवाहन महाराष्ट्र अंधश्रद्धा निर्मूलन समितीने केले आहे. त्यासाठी ते ३१ डिसेंबरला प्रत्येक शहरातील अंनिसच्या शाखेमध्ये दुधाचे वाटप करणार आहेत.अंनिसच्यावतीने २५ ते ३१ डिसेंबरदरम्यान व्यसनविरोधी निर्धार सप्ताह पाळला जात आहे. याबाबत अंनिसचे प्रदेश कार्याध्यक्ष अविनाश पाटील यांनी सांगितले की, ‘डे’ साजरे करण्याच्या चलनामुळे समाजात व्यसनाला प्रतिष्ठा मिळाली आहे. राज्याचा महसूल वाढविण्यासाठी व्यसनाला महत्त्व देण्याचे सरकारचे धोरणही दारूसारखे व्यसन वाढविण्यास कारणीभूत ठरत आहे. जागतिक आरोग्य संघटनेने ठरविलेल्या पाच आजारांपैकी नैराश्य हाही एक आजार आहे. हे नैराश्य व्यसनातूनच येते. यातून पुढे हिंसक वळण, मानसिक आजार व आत्महत्यासारखे प्रकार घडतात. ‘द’ दारूचा नाही तर, ‘द’ दुधाचा हा संदेश घेऊन अंनिसतर्फे नवीन वर्षाच्या स्वागतावेळी संस्थेच्या केंद्रात दुधाचे वाटप केले जाणार आहे. ३१ डिसेंबरला प्रत्येक शहरात अंनिसच्या शाखेमध्ये दूधवाटप केले जाणार असल्याचे अविनाश पाटील यांनी सांगितले. याशिवाय व्यसनांचे दुष्परिणाम दाखविण्यात आलेले ‘प्रतीक्षा’ आणि ‘प्रतिज्ञा’ हे दोन चित्रपट दाखविण्यात येणार आहेत. हे दोन्ही चित्रपट यू-ट्यूबवर भारतातील सर्वच भाषांमध्ये उपलब्ध असल्याचे पाटील यांनी यावेळी स्पष्ट केले. महाविद्यालयांमध्ये जाऊन युवकांना व्यसनांपासून अलिप्त राहण्याचे आवाहन करण्यात येत असल्याचे त्यांनी सांगितले.(प्रतिनिधी)महिला आणि व्यसनपुरुषांच्या कोणत्याही व्यसनाचे दुष्परिणाम हे महिलांना सर्वाधिक भोगावे लागतात. यामुळे खास महिलांसाठी अंनिसतर्फे ‘चला दारूला बदनाम करूया’ हा उपक्रम राबविला जातो. याअंतर्गत महत्त्वाच्या चौकात दारूकिंवा गुटखा, अशा व्यसनांचे प्रतिकात्मक पुतळे तयार करून महिलांद्वारे या पुतळ्याला चपलेने मारल्या जाते. अंनिसने हा उपक्रम नव्याने सुरू केला आहे.अंनिसतर्फे दुधाचे वाटपविविध ‘डे’ साजरे करण्याचे नवे चलन हे कोणत्याही व्यसनाची सुरुवात करणारे ठरते. यामध्ये तरुण-तरुणींचा समावेश अधिक असतो. नवीन वर्ष तर या मालिकेतील सर्वात महत्त्वाचा दिवस. त्यामुळे या दिवसात प्रत्येक शहरामध्ये दारूचा जणू महापूरच वाहत असतो. यातील लाखो तरुण-तरुणी एकदा म्हणून दारूच्या अनुभवाला सामोरे जातात. यात मुलींचाही समावेश असतो. मात्र हा पहिला घोट व्यसनाला कारणीभूत ठरू शकतो. एका संशोधनानुसार दारूचा पहिला घोट घेणाऱ्यांपैकी १५ टक्के लोक नंतर या व्यसनाच्या आहारी जाणारे ठरतात. दारू पिऊन नवीन वर्षाचे स्वागत उन्मादी मानसिकतेचे प्रतीक ठरते. त्यामुळे हा घोट थांबविणे आवश्यक आहे.-अविनाश पाटील, कार्याध्यक्ष, महाराष्ट्र अंनिस