३४६०४ कोटींच्या विकास आराखड्याला मंजुरी

नागपूर शहराचा सर्वांगीण विकास होण्याच्या दृष्टीने सन २०४१ सालापर्यतचा ३४,६०४ कोटीच्या सुधारित शहर विकास

मनपा बैठक : राज्य सरकारकडे पाठविणार प्रस्तावनागपूर : नागपूर शहराचा सर्वांगीण विकास होण्याच्या दृष्टीने सन २०४१ सालापर्यतचा ३४,६०४ कोटीच्या सुधारित शहर विकास आराखड्याला सोमवारी महापालिकेच्या सर्वसाधारण सभेत मंजुरी देण्यात आली. यात १२ विभागात गुंतवणूक प्रस्तावित आहे. हा आराखडा राज्य सरकारकडे मंजुरीसाठी पाठविण्याचा निर्णय महापालिकेच्या सर्वसाधारण सभेत सोमवारी घेण्यात आला.केंद्र सरकारच्या शहर विकास तसेच शहरी रोजगार व दारिद्र्य निर्मूलन मंत्रालयाने जागतिक बँकेच्या सहकार्याने नागरी विकास क्षमता बांधणी हाती घेतली आहे. यासाठी भारतातील काही शहरांची निवड करण्यात आली असून त्यात नागपूरचा समावेश आहे. २००६ च्या विकास आराखड्यात सुधारणा करून २०४१ पर्यतचा सुधारित आराखडा विविध क्षेत्रातील तज्ज्ञांच्या साहाय्याने मे. क्रिसील रिस्क अ‍ॅन्ड इन्फ्रास्ट्रक्चर सोल्युशन लिमिटेड यांच्या मदतीने तयार करण्यात आला आहे. शहरी विकास तसेच शहरी रोजगार व दारिद्र्य निर्मूलन मंत्रालयाचा जवाहरलाल नेहरू नागरी पुनरु त्थान अभियान अंतर्गत शहराचा सुनियोजित विकास साधण्यासाठी २००६ मध्ये शहर विकास आराखडा तयार करण्यात आला होता. या दृष्टीने विकासाचा प्रयत्न करण्यात आला. सुधारित शहर विकास आराखडा तयार करताना विविध सामाजिक संघटना, विविध क्षेत्रातील तज्ज्ञ, लोकप्रतिनिधी, शासकीय व गैरशासकीय संस्थांचे अधिकारी, यांच्या समक्ष आराखड्याचे सादरीकरण करण्यात आले होेते. भविष्यातील शहराच्या गरजा विचारात घेता हा आराखडा तयार करण्यात आल्याची माहिती महापौर प्रवीण दटके यांनी दिली. (प्रतिनिधी)कर विभागाचे विभाजन मालमत्ता कराची वसुली व्हावी यासाठी विभागातील कर आकारणी व वसुली असे दोन विभाग करण्याच्या प्रस्तावाला मंजुरी देण्यात आली. मात्र या विभागाचे खासगीकरण करण्यात येणार नाही. नागपूर मनपात १९८९ मध्ये कर आकारणी व वसुली यासाठी वेगवेगळे कर्मचारी ठेवण्यात आले होेते. परंतु भोरकर समितीच्या अवहालामुळे विभागाचे एकत्रिकरण करण्यात आले होेते. सभेत विविध विभागातील पद भरती करण्याला मंजुरी देण्यात आली.कविवर्य राजा बढे चौकमहाल भागातील सी.पी.अ‍ॅन्ड बेरार महाविद्यालयासमोरील चौकाचे कविवर्य राजा बढे चौक असे नामकरण करण्याच्या प्रस्तावाला सभेत मंजुरी देण्यात आली. तसेच प्रभाग १२ मधील डॉ. राम मनोहर लोहिया वाचनालय परिसरात तयार करण्यात आलेल्या कक्षाला सम्राट अशोक कक्ष व पूर्ण परिसराला सम्राट अशोक अध्ययन केंद्र असे नाव देण्याचा प्रस्ताव मंजूर करण्यात आला. अशी होईल विकास कामेविभाग २०४१ पर्यत खर्च (कोटीत)पाणीपुरवठा ६७१सिवरेज व शौचालय१३६६रस्ते व वाहतूक २२०५३पावसाळी नाल्या ३६९२कचऱ्यावर प्रक्रिया३६८झोपडट्टी विकास ४८११पुरातत्त्व विकास ५३४पर्यटन विकास २०१ई-गव्हर्नस १६०सामाजिक उपक्रम १९४पर्यावरण ४५७आपत्ती निवारण ९५