लोकमत न्यूज नेटवर्कनागपूर : मुंबई उच्च न्यायालयाच्यानागपूर खंडपीठाने गडचिरोलीतील दोन पोलिस कर्मचाऱ्यांची हत्या केल्याचा आरोप असलेला कथित नक्षली अनिल उर्फ रसूल सुकानू सोरी उर्फ सुधाकर शंकर सोरी (२८) याला ठोस पुरावे नसल्यामुळे निर्दोष मुक्त केले.
न्यायमूर्तीद्वय अनिल पानसरे व राज वाकोडे यांनी हा निर्णय दिला. सोरी छत्तीसगड येथील रहिवासी आहे. २२ मार्च २०१५ रोजी नक्षलविरोधी अभियान राबवीत असलेल्या गडचिरोली पोलिसांवर मुसपारसीजवळच्या घनदाट जंगलामध्ये ६०-७० नक्षलींनी अंदाधुंद गोळीबार केला. त्यामुळे दहा पोलिस कर्मचारी गंभीर जखमी झाले तर, दोन कर्मचारी मरण पावले. त्यानंतर पोलिसांनी उपलब्ध माहितीच्या आधारावर सोरीला अटक करून त्याच्याविरुद्ध सत्र न्यायालयात खटला दाखल केला होता. १ फेब्रुवारी २०२१ रोजी सत्र न्यायालयाने सोरीला जन्मठेपेची कमाल शिक्षा सुनावली. त्या निर्णयाविरुद्ध त्याने उच्च न्यायालयात अपील दाखल केले होते. ते अपील मंजूर झाले. सोरीतर्फे अॅड. राहुल हजारे यांनी कामकाज पाहिले.
Web Summary : The Nagpur bench of the Bombay High Court acquitted Anil Sori, an alleged Naxalite, due to lack of evidence in the murder of two police officers in Gadchiroli. Sori, a resident of Chhattisgarh, was previously sentenced to life imprisonment by a sessions court.
Web Summary : बंबई उच्च न्यायालय की नागपुर पीठ ने गडचिरोली में दो पुलिस अधिकारियों की हत्या के मामले में कथित नक्सली अनिल सोरी को सबूतों के अभाव में बरी कर दिया। छत्तीसगढ़ के निवासी सोरी को पहले सत्र न्यायालय ने आजीवन कारावास की सजा सुनाई थी।