Accused of killing a friend sentenced to life imprisonment | मित्राचा खून करणाऱ्या आरोपीला जन्मठेप

मित्राचा खून करणाऱ्या आरोपीला जन्मठेप

ठळक मुद्देसत्र न्यायालयाचा निर्णय : २०१७ मधील घटना

लोकमत  न्यूज  नेटवर्क

नागपूर : सत्र न्यायालयाने मित्राचा खून करणाऱ्या आरोपीला जन्मठेप व ५००० रुपये दंड आणि दंड न भरल्यास २ वर्षे अतिरिक्त कारावास अशी शिक्षा सुनावली. न्या. आर. आर. पटारे यांनी हा निर्णय दिला. ही घटना २०१७ मधील आहे.

सुनील ऊर्फ ईश्वर रवींद्र जांभुळकर (३०) असे आरोपीचे नाव असून तो श्रावस्तीनगर, इंदोरा येथील रहिवासी आहे. मयताचे नाव राजू पांडुरंग ठवरे (५५, रा. बेझनबाग बस स्टॉप) होते. २ ऑगस्ट २०१७ रोजी आरोपी सुनील व मयत राजू दोघेही कोराडी मंदिरात गेले होते. दरम्यान, कोराडी पॉवर प्लान्ट सर्व्हिस रोडवरील बोगद्याजवळ आरोपीने राजूच्या डोळ्यात मिरची पावडर टाकली. तसेच, त्याच्यावर चाकूने हल्ला केला. पोलीस घटनास्थळी पोहचेपर्यंत राजू जिवंत होता. त्याच्या तक्रारीवरून पोलिसांनी आरोपीविरुद्ध एफआयआर नोंदवला व आरोपीला अटक केली. त्यानंतर राजूचा मृत्यू झाला.

Web Title: Accused of killing a friend sentenced to life imprisonment

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.