लोकमत न्यूज नेटवर्कनागपूर : मेयो रुग्णालयातील निवासी महिला डॉक्टरचा छळ करणाऱ्या न्यायवैद्यक विभागाचे विभागप्रमुख डॉ. मकरंद सूर्यकांत व्यवहारे यांच्याविरुद्ध तहसील पोलिसांनी विनयभंगाचा गुन्हा दाखल केला आहे. यामुळे वैद्यकीय क्षेत्रात खळबळ उडाली असून, गुन्हा दाखल न झाल्यास राज्यव्यापी आंदोलन करण्याचा इशारा मार्ड या निवासी डॉक्टरांच्या संघटनेने दिला होता.
तहसील पोलिसांनी दिलेल्या माहितीनुसार, पीडित २७ वर्षीय महिला निवासी डॉक्टर इंदिरा गांधी शासकीय वैद्यकीयमहाविद्यालय व रुग्णालयात (मेयो) न्यायवैद्यकशास्त्र विषयात पदव्युत्तर पदवीच्या प्रथम वर्षाला शिकत आहे. ती फेब्रुवारीपासून या विभागात कार्यरत आहे. न्यायवैद्यक विभागाचे विभागप्रमुख डॉ. मकरंद व्यवहारे तिला सुरुवातीपासून त्रास देत होते. तिला एकटीला वारंवार आपल्या कक्षात बोलावून तिच्यासोबत आपत्तीजनक व्यवहार करीत होते.
सुरुवातीला या महिला निवासी डॉक्टरने त्यांच्या वागण्याकडे दुर्लक्ष केले; परंतु नंतर तिने या बाबींना विरोध केला असता तिला डॉ. व्यवहारे यांनी धमकी दिली. महिला डॉक्टरने याबाबत रुग्णालयातील वरिष्ठांकडे तक्रार करूनही त्यांनी तक्रारीची दखल घेतली नाही. अखेर महिला निवासी डॉक्टरने तहसील पोलिस ठाण्यात तक्रार दाखल केली. या घटनेमुळे निवासी डॉक्टरांमध्ये रोष व्यक्त करण्यात येत होता. निवासी डॉक्टरांच्या मार्ड संघटनेने डॉ. व्यवहारेंवर कारवाईच्या मागणीसाठी आंदोलन करून मुख्यमंत्री तसेच पोलिस आयुक्तांना निवेदन सादर करून राज्यव्यापी आंदोलन करण्याचा इशारा दिला होता. अखेर शुक्रवारी तहसील पोलिसांनी डॉ. मकरंद व्यवहारेविरुद्ध विनयभंगाचा गुन्हा दाखल केला आहे. लवकरच डॉ. व्यवहारेला चौकशीसाठी ताब्यात घेण्यात येणार असल्याची माहिती तहसील पोलिसांनी दिली. मेडिकलमध्ये असताना निवासी डॉक्टरांच्या तक्रारीवरून डॉ. व्यवहारे विरुद्ध अजनी पोलिस ठाण्यातही गुन्हा दाखल करण्यात आला होता.
Web Summary : A resident doctor was harassed by the head of the forensic department at Mayo Hospital, Nagpur. A molestation case has been filed, sparking outrage and threats of statewide protests by resident doctors.
Web Summary : नागपुर के मेयो अस्पताल में एक निवासी डॉक्टर को फोरेंसिक विभाग के प्रमुख ने परेशान किया। छेड़छाड़ का मामला दर्ज, आक्रोश और निवासी डॉक्टरों द्वारा राज्यव्यापी विरोध प्रदर्शन की धमकी।