सोलापूर-पुणे हायवेवरील सावळेश्वर टोलनाका ट्रक चालकांनी फोडला; महामार्गावर वाहतूक ठप्प!

सोलापूर: टोल नाक्यावर एका चालकाला मारहाण झाल्याच्या घटनेवरून चालकांनी पुकारलेल्या अघोषित रास्ता रोको मुळे गेल्या तासाभरापासून टोलनाक्यावर वाहने पडली अडकून पडली आहेत. दरम्यान, तीन ते चार किलोमीटरपर्यंत वाहनांच्या रांगा  लागल्या आहेत. संतप्त झालेल्या ट्रकचालकांनी सावळेश्वर (ता. मोहोळ) टोलनाक्याची तोडफोड केली. 

दरम्यान, ही घटना मंगळवारी सायंकाळी ४ वाजण्याच्या सुमारास घडली. या घटनेनंतर पेालिसांनी घटनास्थळी धाव घेतली आहे. अचानक झालेल्या गोंधळामुळे टोलनाक्यावर मोठी गर्दी झाली होती. गर्दी झाल्याने वाहतूक ठप्प झाली आहे. जखमी ट्रकचालकास उपचारासाठी रूग्णालयात पाठविण्यात आले आहे. सध्या टोलनाक्यावरून वाहनांची ये-जा ट्रकचालकांनी थांबविली असून अचानक आंदोलन सुरू केले आहे. सध्या ट्रक चालक व पोलिसांमध्ये संवाद सुरू असून लवकरच मार्ग काढण्यात येईल असेही राष्ट्रीय महामार्गाच्या पोलिसांनी सांगितले.