Tipu Sultan Congress Harshavarhan Sapkal: मालेगाव महानगरपालिकेचे नवनियुक्त उपमहापौर शान-ए-हिंद निहाल अहमद यांनी आपल्या दालनात टिपू सुलतान फोटो लावल्याने शहरात नव्या राजकीय वादाला तोंड फुटले होते. शिंदेसेना आणि स्थानिक हिंदुत्ववादी संघटनांनी या कृत्याचा तीव्र निषेध केला. हा फोटो तात्काळ हटवण्याची मागणी केल्यानंतर, अखेर शनिवारी हा फोटो दालनातून काढण्यात आला. पण याचदरम्यान, टिपू सुलतानबाबत आता काँग्रेसचे प्रदेशाध्यक्ष हर्षवर्धन सपकाळ यांनी एक विधान केले असून त्यावरून मोठा वाद सुरु झाला आहे. त्यांनी टिपू सुलताची बरोबरी थेट छत्रपती शिवाजी महाराज (Chhatrapati Shivaji Maharaj) यांच्याशी केल्याने हा वाद वाढण्याची चिन्हे आहेत.
हर्षवर्धन सपकाळ काय म्हणाले?
"छत्रपती शिवाजी महाराजांचे शौर्य ज्या पद्धतीचं आहे आणि त्यांनी स्वराज्य नावाचा एक विचार ज्या पद्धतीने दिला आहे, अगदी त्यांच्याच मांदियाळीमध्ये, त्यांच्यानंतर.. त्यांचा बराच कालावधी लोटल्यानंतर, त्यांचा आदर्श घेऊन टिपू सुलतान यांनी इंग्रजांच्या विरोधात लढा पुकारला होता आणि त्या अर्थाने टिपू सुलतान हे शौर्य गाजवणारे एक योद्धे होऊन गेले, भारताचे भूमिपुत्र होऊन गेले. त्यांनी कधीही कुठल्याही विषारी, विखारी विचारांना जवळ केलं नाही. तर एक शौर्याचे लक्षण म्हणून आपण टिपू सुलतान यांना शिवाजी महाराजांच्या समकक्ष बघितलं पाहिजे," अशा शब्दांत हर्षवर्धन सपकाळ यांनी आपले मत व्यक्त केले.
काँग्रेस प्रदेशाध्यक्षांवर भाजप-शिंदेसेनेचे टीकास्त्र
फोटोचा वाद शांत होत असतानाच, आता काँग्रेस प्रदेशाध्यक्ष हर्षवर्धन सपकाळ यांच्या वक्तव्याने नवा वाद उफाळून आला आहे. भाजपाचे प्रदेश मुख्य प्रवक्ते केशव उपाध्ये यांनी सपकाळांवर टीका करत, काँग्रेसने महाराष्ट्राची माफी मागावी अशी प्रतिक्रिया दिली आहे. तसेच, असे विधान करणं हा छत्रपती शिवरायांचा अपमान आहे असेही ते म्हणाले आहेत. तर दुसरीकडे, काँग्रेसच्या प्रदेशाध्यक्षांना महाराष्ट्रातील जनतेने चपलेने हाणायला पाहिजे, असा संताप शिंदेसेनेचे खासदार नरेश म्हस्के यांनी व्यक्त केला आहे.
मालेगावमध्ये काय घडलं होतं?
मालेगावातील टिपू सुलतान फोटो प्रकरणात उपमहापौर अहमद यांच्या दालनातील एक व्हिडिओ सोशल मीडियावर व्हायरल झाला. त्यात त्यांच्यापाठीमागे टीपू सुलतान फोटो लावल्याचे दिसून आले. त्यानंतर, शिंदेसेनेचे गटनेते नीलेश आहेर यांच्या नेतृत्वाखाली नगरसेवकांनी आक्रमक पवित्रा घेतला. उपमहापौरांच्या दालनातून टिपू सुलतान फोटो हटवण्यासाठी त्यांनी सर्व पदाधिकाऱ्यांसह आयुक्त कार्यालय गाठले. "जोपर्यंत हा फोटो हटवला जात नाही, तोपर्यंत आमचा निषेध सुरूच राहील आणि तो अधिक तीव्र केला जाईल," असा इशारा नीलेश आहेर यांनी दिला. त्यानंतर हा फोटो हटवला गेला.
Web Summary : Congress leader Harshvardhan Sapkal's comparison of Tipu Sultan to Shivaji Maharaj ignited controversy. BJP and Shinde Sena strongly criticized Sapkal's statement, demanding an apology, after a Tipu Sultan photo sparked protests in Malegaon.
Web Summary : कांग्रेस नेता हर्षवर्धन सपकाल द्वारा टीपू सुल्तान की शिवाजी महाराज से तुलना पर विवाद। भाजपा और शिंदे सेना ने सपकाल के बयान की आलोचना की और माफी की मांग की। मालेगांव में टीपू सुल्तान की तस्वीर पर विरोध प्रदर्शन हुआ।