धर्मस्वातंत्र्य विधेयकाला समर्थन अन् विरोधाची बाधा; पुढील आठवड्यात वादळी चर्चा होण्याची शक्यता

सत्तारूढ महायुतीतील भाजप आणि शिंदेसेनेचे या विधेयकाला पूर्ण समर्थन असेल. मात्र, हे विधेयक अल्पसंख्याक समाजाला लक्ष्य करण्यास आणल्याचा आरोप सपाचे आ. रईस शेख यांनी केला. या पार्श्वभूमीवर राष्ट्रवादी (अजित पवार) काय भूमिका घेणार हे महत्त्वाचे असेल. 

मुंबई : राज्य सरकारने विधानसभेत मांडलेल्या धर्मस्वातंत्र्य विधेयकावर अधिवेशनाच्या पुढील आठवड्यात वादळी चर्चा होण्याची शक्यता आहे. विविध राजकीय पक्ष कोणती भूमिका घेतात याबाबतही उत्सुकता आहे. 

सत्तारूढ महायुतीतील भाजप आणि शिंदेसेनेचे या विधेयकाला पूर्ण समर्थन असेल. मात्र, हे विधेयक अल्पसंख्याक समाजाला लक्ष्य करण्यास आणल्याचा आरोप सपाचे आ. रईस शेख यांनी केला. या पार्श्वभूमीवर राष्ट्रवादी (अजित पवार) काय भूमिका घेणार हे महत्त्वाचे असेल. 

विरोधकांकडे आता लक्ष विरोधी महाविकास आघाडीतील 
तिन्ही घटकपक्ष काय भूमिका घेतात हेही महत्त्वाचे असेल. काँग्रेस आणि राष्ट्रवादीकडून (शरद पवार) विधेयकाला विरोध करण्याची भूमिका घेतली जाईल.
त्याचवेळी उद्धवसेनेचे आमदार विधानसभेत विधेयकाबाबत काय मत व्यक्त करतात याबाबत उत्सुकता आहे.