संपाचे प्रतिज्ञापत्र सादर करा

रिक्षा-टॅक्सी युनियनने दोन दिवस पुकारलेल्या संपाची दखल घेत उच्च न्यायालयाने गुरुवारी संघटनेला संपाचा खुलासा करणारे प्रतिज्ञापत्र सादर करण्याचे आदेश दिले.

मुंबई : रिक्षा-टॅक्सी युनियनने दोन दिवस पुकारलेल्या संपाची दखल घेत उच्च न्यायालयाने गुरुवारी संघटनेला संपाचा खुलासा करणारे प्रतिज्ञापत्र सादर करण्याचे आदेश दिले.गेल्या महिन्यात राज्य शासनाने जाहीर केलेल्या रिक्षा-टॅक्सीच्या भाडेवाढीवर शिक्कामोर्तब करण्यासाठी शासनाने न्यायालयात अर्ज केला. या अर्जावरील सुनावणीत उदय वारूंजीकर यांनी रिक्षा-टॅक्सीने पुकारलेल्या संपाची माहिती न्यायालयाला दिली. २०१३ मध्ये न्यायालयाने रिक्षा-टॅक्सी युनियनला संप न करण्याचे आदेश दिले आहेत. त्यामुळे १५ व १७ जूनचा संप हा न्यायालयाच्या आदेशाचा अवमान आहे. याप्रकरणी योग्य ते आदेश द्यावेत, अशी मागणी अ‍ॅड. वारूंजीकर यांनी केली. ती मान्य करत न्यायालयाने वरील आदेश दिले.भाडेवाढीचा खुलासा करणारे प्रतिज्ञापत्र शासनाने सादर न केल्याने न्यायालयाने यासाठीही शासनाला येत्या मंगळवारपर्यंतची मुदत दिली व ही सुनावणी तहकूब केली.