कॅप्टन खरात प्रकरणी अडचणी वाढल्या, रूपाली चाकणकर फरार? महिला नेत्याचा दावा

Rupali Chakankar News: महिलेच्या लैंगिक शोषण प्रकरणी पोलिसांनी अटक केलेला कथित ज्योतिषी कॅप्टन अशोक खरात याच्या अनुयायी असल्याच्या आरोपांमुळे राज्य महिला आयोगाच्या अध्यक्षा रूपालीताई चाकणकर ह्या चांगल्याच अडचणीत आल्या आहेत.

महिलेच्या लैंगिक शोषण प्रकरणी पोलिसांनी अटक केलेला कथित ज्योतिषी कॅप्टन अशोक खरात याच्या अनुयायी असल्याच्या आरोपांमुळे राज्य महिला आयोगाच्या अध्यक्षा रूपालीताई चाकणकर ह्या चांगल्याच अडचणीत आल्या आहेत. दरम्यान, खरात प्रकरणात गंभीर आरोप झाल्यानंतर रूपालीताई चाकणकर ह्या फरार झाल्या असल्याचा दावा रूपाली पाटील ठोंबरे यांनी केला आहे.

या संदर्भात रूपाली पाटील-ठोंबरे यांनी समाज माध्यमांवर एक संक्षिप्त पोस्ट केली आहे. ‘राज्य महिला आयोगाच्या अध्यक्षा रूपाली चाकणकर फरार. बजाव टाली’, अशी सूचक पोस्ट रूपाली पाटील-ठोंबरे यांनी केली आहे. तसेच त्यांच्या या पोस्टवर वेगवेगळ्या प्रतिक्रिया उमटत आहेत.

दरम्यान, गुंगीचं औषध देऊन एका महिलेवर अत्याचार केल्याच्या आरोपाखाली कथित ज्योतिषी कॅप्टन अशोक खरात याला पोलिसांनी अटक केली होती.