पंकजा मुंडे यांच्या हेलिकॉप्टरमध्ये बिघाड, उड्डाणाआधीच बिघाड लक्षात आल्याने मोठा अनर्थ टळला!

भाजप नेत्या आणि राज्याच्या पर्यावरण मंत्री पंकजा मुंडे यांच्या हेलिकॉप्टरमध्ये तांत्रिक बिघाड झाल्याचा प्रकार मंगळवारी सकाळी छत्रपती संभाजीनगर विमानतळावर समोर आला.

लोकमत न्यूज नेटवर्क 
छत्रपती संभाजीनगर: भाजप नेत्या आणि राज्याच्या पर्यावरण मंत्री पंकजा मुंडे यांच्या हेलिकॉप्टरमध्ये तांत्रिक बिघाड झाल्याचा प्रकार मंगळवारी सकाळी छत्रपती संभाजीनगर विमानतळावर समोर आला. सुदैवाने पायलट आणि तांत्रिक कर्मचाऱ्यांमुळे उड्डाणापूर्वीच हा प्रकार समोर आल्याने  दुर्घटना टळली. या घटनेनंतर त्या दुसऱ्या हेलिकॉप्टरने लातूरकडे रवाना झाल्या.

पंकजा मुंडे या सोमवारी छत्रपती  जिल्हा परिषद, पंचायत समिती निवडणुकीच्या प्रचारार्थ आल्या होत्या. मंगळवारी सकाळी ११ वाजेच्या सुमारास त्या लातूर जिल्ह्यातील त्यांच्या नियोजित सभांसाठी  विमानतळावरून रवाना होणार होत्या. त्याचवेळी  बिघाडामुळे हेलिकॉप्टरचे उड्डाण अशक्य असल्याचे पायलट, तांत्रिक कर्मचाऱ्यांनी स्पष्ट केले.  

‘एटीसी’कडे नोंद
पंकजा मुंडे यांच्या हेलिकॉप्टरमध्ये तांत्रिक बिघाड झाल्याची नोंद विमानतळावरील एअर ट्रॅफिक कंट्रोलकडे (एटीसी) करण्यात आली.  

खराब हवामानामुळे विलंब
मुंबईहून येणाऱ्या दुसऱ्या हेलिकॉप्टरलाही विलंब झाला. खराब हवामानामुळे या हेलिकॉप्टरला उशीर झाल्याची माहिती विमानतळाच्या सूत्रांनी दिली.