Maharashtra News | Maharashtra News Paper Today | Maharashtra's News In Marathi | Live Crime News From Maharashtra | महाराष्ट्र: ताज्या मराठी बातम्या | Maharashtra Breaking News

मुंबई - अर्थमंत्री निर्मला सीतारामन या महागाईबद्दल महिलांच्या वेदना समजून घेऊन महागाई कमी करण्यासाठी काहीतरी करतील असे अपेक्षित होते. मात्र महागाई कमी करण्यासाठी या अर्थसंकल्पात काहीही नाही. शिवाय युवा वर्गालाही नाराज करणारा हा अर्थसंकल्प आहे अशा शब्दात राष्ट्रवादी काँग्रेसचे प्रदेशाध्यक्ष आमदार जयंत पाटील यांनी आज जाहीर झालेल्या केंद्रीय अर्थसंकल्पावर बोलताना आपली प्रतिक्रिया व्यक्त केली आहे.देशाचा आज जाहीर झालेला अर्थसंकल्प गोंधळलेला अर्थसंकल्प वाटतो. नक्की कोणत्या क्षेत्राला आपल्याला प्राधान्य द्यायचं आहे याची स्पष्टता या अर्थसंकल्पात नाही अशी जोरदार टिका जयंत पाटील यांनी केली.तसेच आधीच असलेल्या शेतीशी संबंधित योजनांना भरीव निधी देणे या अर्थसंकल्पातून अपेक्षित होते. देशात प्रचंड मोठ्या प्रमाणावर कंपन्या बंद पडत आहेत, त्यावरही कोणताच उपाय या अर्थसंकल्पात केलेला नाही. कालच्या आर्थिक पाहणीत देखील गोलमाल वाटत आहे. किमान अर्थसंकल्पात तरी देशाच्या विकासाच्या इंजिनाला भरीव गती देणारे निर्णय घेतले जातील असे अपेक्षित होते, मात्र तसे काहीही झालेले नाही. उलट या अर्थसंकल्पाने नैसर्गिक विकास प्रक्रियेला खीळ बसणार आहे असा टोलाही जयंत पाटील यांनी लगावला.दरम्यान अर्थमंत्र्यांनी लोकानूनयी निर्णय घ्यायचे नसतात, उलट देशाची अर्थव्यवस्था सुदृढ राहण्यासाठी आवश्यक त्या कठोर उपाययोजना करायच्या असतात मात्र निर्मला सीतारामन यांना हे माहितीच नाही असे दिसते. काळा पैसा भारतात परत आणण्याची वल्गना करणाऱ्या या सरकारने अर्थ संकल्पामध्ये या विषयाचा नामोल्लेख सुद्धा केलेला नाही असंही जयंत पाटील यांनी सांगितले. केंद्रीय अर्थसंकल्प 2019 आज संसदेत अर्थमंत्री निर्मला सीतारामन यांनी सादर केला. यामध्ये ग्रामीण भागासह शहरी भागासाठी विविध घोषणा करण्यात आल्या. या अर्थसंकल्पात मोदी सरकारने काही प्रमाणात मध्यमवर्गीयांना दिलासा देण्याचा प्रयत्न केला तर श्रीमंतावर अतिरिक्त सरचार्ज आकारण्यात आला. गृह कर्जावरील व्याजावर मिळणारी 2 लाखांची सूट वाढवून साडेतीन लाखांपर्यंत केली आहे. मात्र विरोधकांकडून या अर्थसंकल्पावर टीका होऊ लागली आहे.

Maharashtra (Marathi News)

सकाळी ११ वाजण्याच्या सुमारास पालखीचे इंदापूरला आगमन झाले. ...

महाराष्ट्रासह देश-विदेशात घडणाऱ्या सर्व महत्त्वाच्या बातम्या lokmat.com आपल्या वाचकांपर्यंत 24x7 पोहोचवत असतंच. ...

टाळ मृदुगांच्या तालात, उभा रिंगण सोहळ्याची ऊर्जा घेऊन जवळपास पंढरी मार्गाचा अर्धा टप्पा पार केला आहे. ...

या प्रकारानंतर नितेश राणेंवर गुन्हा दाखल झाला असून, त्यांना अटकही करण्यात आली होती. ...

वयवर्षे 15 पासून ते 70 वर्षांच्या वृद्धांपर्यंत भक्तीचा संचार पाहायला मिळतो. ...

आरोपींना शस्त्र नष्ट करण्याचा सल्ला दिल्याप्रकरणी सीबीआयने अटक केली होती. ...

...