Rohit Pawar : पायाला फ्रॅक्चर, मेंदूला जबर मार; ऊसतोड मजुराच्या मुलासाठी धावून गेले रोहित पवार

NCP Rohit Pawar : रोहित पवार नेहमीच त्यांच्या मतदारसंघातील लोकांना मदत करताना दिसतात. त्यांची अशीच एक पोस्ट सध्या सोशल मीडियावर जोरदार व्हायरल झाली असून त्याचीच सर्वत्र चर्चा रंगली आहे.

राष्ट्रवादी काँग्रेसचे नेते रोहित पवार (NCP Rohit Pawar) हे आपल्या मतदारसंघातील लोकांच्या सेवेसाठी नेहमीच तत्पर असतात. ते सोशल मीडियावर सक्रिय असून नेहमीच आपल्या मतदारसंघाबद्दल, लोकांबद्दल आणि कामांबद्दलची माहिती शेअर करत असतात. रोहित पवार नेहमीच त्यांच्या मतदारसंघातील लोकांना मदत करताना दिसतात. त्यांची अशीच एक पोस्ट सध्या सोशल मीडियावर जोरदार व्हायरल झाली असून त्याचीच सर्वत्र चर्चा रंगली आहे. रोहित पवारांचं सर्वत्र भरभरून कौतुक केलं जात आहे.

रोहित पवार यांनी मेंदूला मार लागलेल्या ऊसतोड मजूराच्या मुलाचा जीव वाचवला आहे. आपल्या ट्विटर अकाऊंटवरून त्यांनी याबाबत माहिती दिली असून याचे काही फोटो शेअर केले आहेत. "सांगलीमध्ये ऊसतोडीला गेले असताना दुचाकी अपघातात माझ्या मतदारसंघातील प्रविण फुंदे या चिमुकल्याच्या पायाला फ्रॅक्चर व मेंदूला जबर मार लागला होता. विविध शासकीय योजनांच्या माध्यमातून त्याच्यावर उपचार करण्याकामी लक्ष घातल्याने त्याचे वडील हरिदास फुंदे यांनी आग्रह करून मला घरी बोलावलं."

घरी गेल्यानंतर अनपेक्षितपणे माझ्यावर फुलांचा वर्षाव केला. वैद्यकीय उपचारांसाठी गरजूंना नेहमीच मदत करत असतो पण काल अचानक झालेल्या या अनोख्या स्वागताने भारावून गेलो आणि लोकांसाठी अधिक जोमाने काम करण्यास बळ मिळालं. विशेष म्हणजे प्रविण आता बरा झाला असून त्याला भेटून खूप आनंद वाटला.

— Rohit Pawar (@RRPSpeaks) May 2, 2022

"घरी गेल्यानंतर अनपेक्षितपणे माझ्यावर फुलांचा वर्षाव केला. वैद्यकीय उपचारांसाठी गरजूंना नेहमीच मदत करत असतो पण काल अचानक झालेल्या या अनोख्या स्वागताने भारावून गेलो आणि लोकांसाठी अधिक जोमाने काम करण्यास बळ मिळालं. विशेष म्हणजे प्रविण आता बरा झाला असून त्याला भेटून खूप आनंद वाटला" असं रोहित पवार यांनी आपल्या पोस्टमध्ये म्हटलं आहे. रोहित पवारांच्या या पोस्टला आत्तापर्यंत हजारो लोकांनी लाईक केलं आहे. तसेच भरभरून कौतुक केलं जात आहे.