चंद्रपूर/मुंबई - भारतीय जनता पक्ष आणि असदुद्दीन ओवैसी यांचा एमआयएम पक्ष हे धार्मिक मुद्द्यांना हवा देऊन राजकीय स्वार्थ साधत आहेत. हिंदू-मुस्लीम, मराठा-ओबीसी वाद निर्माण करून जनतेची माथी भडकवतात आणि सत्तेसाठी मात्र एकत्र येतात. हिरव्या पतंगाचा मांजा भगवा आहे तर धनुष्याचा बाण हिरवा आहे. या ढोंगी भाजपा, शिंदेसेना व एमआयएमला महानगरपालिका निवडणुकीत धडा शिकवा व काँग्रेसला बहुमताने विजयी करा, असे आवाहन काँग्रेसचे प्रदेशाध्यक्ष हर्षवर्धन सपकाळ यांनी केले आहे.
यावेळी हर्षवर्धन सपकाळ म्हणाले की, भारतीय जनता पक्ष व ओवैसी यांचा एमआयएम पक्ष दोघेही हिंदू मुस्लीमच्या नावावर लोकांमध्ये दहशत माजवत आहेत पण सत्तेची मलई खाण्यासाठी मात्र एकत्र येतात हे दिसून आले आहे. अकोट मध्ये भाजपा व एमआयएम सत्तेसाठी एक झाले. एमआयएमशी युती कधीच करणार नाही असे मुख्यमंत्री देवेंद्र फडणवीस छाती ठोकून सांगतात पण अकोटमधील युती काही तोडत नाहीत व त्यांच्यावर कारवाईही करत नाहीत, कारण हे दोन्ही पक्ष एकच आहेत, असा टोला त्यांनी लगावला.
ते पुढे म्हणाले की, या सत्तेच्या साठमारीत एकनाथ शिंदे यांची शिवसेनाही मागे नाही, त्यांनीही बीड जिल्ह्यात परळी नगरपालिकेत एमआयएमचा हात हाती घेतला. जनतेमध्ये दहशत माजवून सत्तेसाठी गळ्यात गळे घालणाऱ्या या ढोंगी लोकांना आता धडा शिकवा, असे आवाहन करताना सपकाळ म्हणाले की, "तू इधर उधर की न बात कर, मुझे रहज़नों से गिला तो है, पर तेरी रहबरी का सवाल है", अशी टीकाही सपकाळ यांनी केली.
Web Summary : Harshvardhan Sapkal criticizes BJP, Shinde Sena, and MIM for exploiting religious issues for political gain and uniting for power. He accuses them of deceiving the public and urges voters to support Congress in the upcoming elections, citing alliances in Akot and Parli as evidence of their hypocrisy.
Web Summary : हर्षवर्धन सपकाल ने भाजपा, शिंदे सेना और एमआईएम पर धार्मिक मुद्दों का राजनीतिक लाभ के लिए शोषण करने और सत्ता के लिए एकजुट होने का आरोप लगाया। उन्होंने जनता को धोखा देने का आरोप लगाते हुए आगामी चुनावों में कांग्रेस का समर्थन करने का आग्रह किया, अकोट और परली में गठबंधन को उनकी पाखंड का प्रमाण बताया।