उल्हासनगरात महापालिका निवडणूक पाश्वभूमीवर खासदार श्रीकांत शिंदे यांनी घेतली बैठक!

By ऑनलाइन लोकमत | Updated: November 29, 2025 17:27 IST2025-11-29T17:24:42+5:302025-11-29T17:27:20+5:30

शिंदेसेना व ओमी टीम पदाधिकाऱ्यांची बैठक, पप्पू कलानी यांची उपस्थिती 

MP Shrikant Shinde held a meeting in Ulhasnagar against the backdrop of municipal elections! | उल्हासनगरात महापालिका निवडणूक पाश्वभूमीवर खासदार श्रीकांत शिंदे यांनी घेतली बैठक!

उल्हासनगरात महापालिका निवडणूक पाश्वभूमीवर खासदार श्रीकांत शिंदे यांनी घेतली बैठक!

उल्हासनगर : महापालिका निवडणूकीच्या पाश्वभूमीवर खासदार श्रीकांत शिंदे यांनी कलानी महल येथे शिंदेसेना व ओमी टीमच्या पदाधिकाऱ्या सोबत बैठक घेतली. शहाड येथील शहीद हेमू कलानी प्रवेशद्वारसाठी ३ कोटीचा खासदार निधी दिल्याची माहिती महानगरप्रमुख राजेंद्र चौधरी यांनी दिली.

उल्हासनगर महापालिका निवडणूकीच्या पाश्वभूमीवर शिंदेसेना, ओमी कलानी व स्थानिक साई पक्षाची युती झाली. अंबरनाथ निवडणूक दौऱ्यावर आलेल्या श्रीकांत शिंदे यांनी कलानी महल येथे धावती भेट दिली. यावेळी शिंदेसेनेचे जिल्हाप्रमुख गोपाळ लांडगे, उपजिल्हाप्रमुख अरुण अशान, दिलीप गायकवाड, महानगरप्रमुख राजेंद्र चौधरी, शहरप्रमुख राजेंद्र सिंगभुल्लर यांच्यासह अन्य पदाधिकारी उपस्थित होते. तर ओमी टीम कडून माजी आमदार पप्पू कलानी, ओमी कलानी, कुमारी ठाकूर, जमनुदास पुरस्वानी, महेश सुखरामनी, प्रकाश माखिजा, मनोज लासी, सुमित चक्रवर्ती, गजानन शेळके यांच्यासह अन्य पदाधिकारी उपस्थिती होते.

महापालिका निवडणुकी संदर्भात चर्चा होऊन, कोण किती जागा लढेल. याबाबतचा निर्णय अंबरनाथ पालिकेच्या निवडणूक निकालानंतर घेतला जाणार आहे. अंबरनाथ निवडणूक निकालानंतरच शिंदेसेना व ओमी टीम मध्ये पक्ष प्रवेश प्रक्रिया राबविण्यात येणार असल्याचे संकेत दोन्हीकडील नेत्यांनी दिली. कोणते नेते शिंदेसेना व ओमी टीम मध्ये पक्ष प्रवेश घेतात. याबाबत चर्चाही सुरू झाली. तसेच शहाड येथील मुख्य रस्त्यावर शहीद हेमू कलानी यांच्या नावाने भव्य प्रवेशद्वार साठी खासदार शिंदे यांनी ३ कोटींचा खासदार निधी दिल्याची माहिती चौधरी यांनी दिली. महापालिकेवर शिंदेसेना व कलानी यांचा महापौर निवडून आणण्याचे संकेत शिंदेसेना समर्थकांनी दिले आहे. तर दुसरीकडे भाजपाने पक्ष प्रवेश थांबवीला असून अन्य पक्षातील मोठे नेते प्रवेशसाठी आतुर असल्याचे मत भाजपाचे पदाधिकारी देत आहेत. 

Web Title : उल्हासनगर में चुनाव के माहौल के बीच श्रीकांत शिंदे ने की बैठक

Web Summary : सांसद शिंदे ने आगामी चुनावों के संबंध में उल्हासनगर में शिंदे सेना और ओमी टीम के साथ बैठक की। चुनाव परिणामों के बाद गठबंधन और सीट बंटवारे पर फैसला किया जाएगा। शिंदे ने शहीद हेमू कलानी प्रवेश द्वार के लिए धन आवंटित किया है।

Web Title : Shrikant Shinde Holds Meeting in Ulhasnagar Amid Election Buzz

Web Summary : MP Shinde met with Shinde Sena and Omi Team in Ulhasnagar regarding upcoming elections. Alliances and seat sharing will be decided post-election results. Shinde has allocated funds for Shahid Hemu Kalani entrance gate.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.