MAHATET Result: महाराष्ट्र शिक्षक पात्रता परीक्षेचा निकाल, नापास उमेदवारांचा आकडा पाहून डोक्याला माराल हात!

Maharashtra TET Final Result: महाराष्ट्र शिक्षक पात्रता परीक्षेचा अंतिम निकाल जाहीर झाला असून शिक्षण क्षेत्रात मोठी खळबळ उडाली आहे. पावणेपाच लाख उमेदवारांपैकी ८८ टक्के पेक्षा जास्त उमेदवार नापास झाले आहेत.

लोकमत न्यूज नेटवर्क मुंबई : महाराष्ट्रशिक्षक पात्रता परीक्षा (महाटीईटी) २०२५चा अंतिम निकाल राज्य परीक्षा परिषदेकडून जाहीर करण्यात आला आहे. या अंतिम निकालामध्ये फक्त ११.२८ टक्के शिक्षक उमेदवार उत्तीर्ण झाले आहेत. पावणे पाच लाख शिक्षकांपैकी ३ लाख ९६ हजार शिक्षक नापास झाले आहेत.

परीक्षेचा तपशील	आकडेवारी
एकूण नोंदणी	४,७५,६६९
परीक्षेस उपस्थित	४,४६,७३०
उत्तीर्ण उमेदवार	५०,३६९
अनुत्तीर्ण उमेदवार	३,९६,३२५
निकालाची टक्केवारी	११.२८%

एकूण ४ लाख ७५ हजार ६६९ उमेदवारांनी नोंदणी केली होती. यापैकी ४ लाख ४६ हजार ७३० उमेदवार परीक्षेला उपस्थित राहिले, तर २८ हजार ९३९ उमेदवार अनुपस्थित होते. एकूण ५० हजार ३६९ उमेदवार उत्तीर्ण झाले असून ३ लाख ९६ हजार ३२५ उमेदवार अनुत्तीर्ण ठरले आहेत. अंतिम निकालाचा टक्का ११.२८ इतका आहे.

महाटीईटी निकाल: माध्यम आणि विषयांनुसार टक्केवारी

माध्यम / विषय	निकालाची टक्केवारी (%)
कन्नड माध्यम	१५.०१% (सर्वात जास्त)
सामाजिक विज्ञान	१२.३३%
मराठी माध्यम	१२.२०%
हिंदी माध्यम	१२.१९%
तेलगू माध्यम	१०.००%
गणित व विज्ञान	९.१२%
बंगाली माध्यम	७.२९%
उर्दू माध्यम	६.९६%
इंग्रजी माध्यम	५.४४%
गुजराती माध्यम	३.४४%