मुंबई - राज्याचे दिवंगत उपमुख्यमंत्री अजितदादा पवार यांचा प्रशासकीय दरारा, कामाचा धडाका आणि विकासाची दूरदृष्टी आता पुढच्या पिढीला अभ्यासता यावी, यासाठी त्यांच्या जीवनावर आधारीत एक विशेष धडा शालेय पाठ्यपुस्तकात समाविष्ट करण्यात यावा, अशी महत्त्वपूर्ण मागणी राष्ट्रवादी काँग्रेस अजित पवार पक्षाचे आमदार राजकुमार बडोले यांनी विधानसभेत आज केली.
अंतिम आठवडा प्रस्तावावरील चर्चेदरम्यान बोलताना आमदार राजकुमार बडोले यांनी ही मागणी केली. दरम्यान राजकुमार बडोले यांनी अजितदादा पवारांच्या कार्यशैलीचे विविध पैलू मांडत, हा विषय शिक्षण विभागाने गांभीर्याने घ्यावा असे आवाहनही केले. आमदार बडोले यांनी सभागृहात अजितदादा पवारांच्या व्यक्तिमत्त्वातील अशा काही गुणांचा उल्लेख केला ज्यामध्ये दादांची शिस्त आणि वक्तशीरपणा, प्रशासकीय पकड आणि कठोर आर्थिक शिस्त, जनता दरबार, बांधकाम आणि गुणवत्ता, पर्यावरण प्रेम, तंत्रज्ञानाचा स्वीकार याचा समावेश असावा, असे मत त्यांनी मांडले.
दरम्यान, आमदार अमोल मिटकरी यांनी यापूर्वी शालेय शिक्षणमंत्री दादाजी भुसे यांना पत्र लिहून अजितदादांच्या जीवन कार्यावर आधारीत पाठ्यपुस्तकात धडा घेण्याची मागणी केली आहे. त्यामुळे अजितदादांच्या कामात केवळ राजकारण नाही, तर समाजकारण आणि विकासाचा ध्यास होता. सर्वधर्मसमभावाचा विचार आणि जनतेशी असलेली बांधिलकी जपणारा हा नेता विद्यार्थ्यांसाठी आदर्श ठरू शकतो असे स्पष्ट मत आमदार राजकुमार बडोले यांनी सभागृहात मांडले.
Web Summary : NCP MLAs want a chapter on Ajit Pawar's life in school textbooks, highlighting his administrative skills and development vision. MLA Rajkumar Badole raised this in the Assembly, emphasizing Pawar's discipline and commitment to development. Amol Mitkari previously requested this, seeing Pawar as an ideal leader.
Web Summary : राकांपा विधायकों ने अजित पवार के जीवन को स्कूली पाठ्यपुस्तकों में शामिल करने की मांग की, उनके प्रशासनिक कौशल और विकास की दूरदृष्टि पर प्रकाश डाला। विधायक राजकुमार बडोले ने विधानसभा में यह बात उठाई, पवार की अनुशासन और विकास के प्रति प्रतिबद्धता पर जोर दिया। अमोल मिटकरी ने पहले भी यह अनुरोध किया था, पवार को एक आदर्श नेता के रूप में देखते हुए।