राष्ट्रीय समाज पक्षाचे राष्ट्रीय अध्यक्ष व माजी मंत्री महादेव जानकर यांनी आज गांधी भवन येथे काँग्रेस प्रदेशाध्यक्ष हर्षवर्धन सपकाळ यांची भेट घेऊन राज्यातील राजकीय परिस्थितीबाबत सविस्तर चर्चा केली. यावेळी महादेव जानकर आणि हर्षवर्धन सपकाळ यांच्यामध्ये राज्यातील बारामती आणि राहुरी या विधानसभा मतदारसंघात होऊ घातलेल्या पोटनिवडणुकीसंदर्भात चर्चा झाली.
त्यानंतर माध्यमांशी बोलताना काँग्रेस प्रदेशाध्यक्ष म्हणाले की, राज्यात या आधी नांदेड, पुण्यातील कसबा, देगलूर मतदारसंघात पोटनिवडणुका झालेल्या आहेत. नांदेड लोकसभा व देगलूरच्या विधानसभा निवडणुकीत भाजपाने काँग्रेस विरोधात उमेदवार दिले होते. त्याठिकाणी काँग्रेस विजयी झाली तर कसबा पोटनिवडणुकीतही काँग्रेसचे उमेदवार विजयी झाले होते. त्यामुळे निवडणुका व सहानुभूती हे दोन वेगळे मुद्दे आहेत.
सपकाळ पुढे म्हणाले की, अजित पवार यांचे अकाली व अपघाती निधन ही दुःखद घटना आहे. बारामतीचा विचार करता या मतदारसंघात विधानसभा व लोकसभा निवडणुकीत पवार विरु्दध पवार निवडणुका झाल्या आहेत व राज्यसभेलाही आठवा उमेदवार असता तर पवार विरुद्ध पवार निवडणूक झालीच असती. बारामती आणि राहुरी या दोन्ही जागेवर आधी राष्ट्रवादी काँग्रेसचे उमेदवार होते. महाविकास आघाडी म्हणून या निवडणुकांसदर्भात त्यांच्याशी करू आणि त्यानंतर उमेदवार उभा करायचा की नाही, याचा निर्णय घेऊ असे हर्षवर्धन सपकाळ म्हणाले.
Web Summary : Mahadev Jankar met Harshvardhan Sapkal to discuss the political situation and upcoming by-elections in Baramati and Rahuri. Sapkal emphasized that elections and sympathy are separate issues, referencing past Congress victories. The decision on fielding candidates in Baramati and Rahuri, previously held by NCP, will be made after discussions within the Maha Vikas Aghadi.
Web Summary : महादेव जानकर ने हर्षवर्धन सपकाल से मिलकर बारामती और राहुरी में होने वाले उपचुनावों पर चर्चा की। सपकाल ने कहा कि चुनाव और सहानुभूति अलग मुद्दे हैं, और कांग्रेस की पिछली जीत का हवाला दिया। बारामती और राहुरी, जो पहले एनसीपी के पास थे, में उम्मीदवार उतारने का फैसला महा विकास अघाड़ी में चर्चा के बाद होगा।