मुंबई - Congress Upset on Uddhav Thackeray ( Marathi News ) महाविकास आघाडीतील जागावाटप अंतिम टप्प्यात आलं असून लवकरच यादी जाहीर होईल असं वारंवार संजय राऊतांकडून सांगण्यात येत होते. त्यानंतर आज उद्धव ठाकरे यांच्या गटाने पहिली यादी जाहीर केली. त्यात सांगलीच्या जागेवर चंद्रहार पाटील यांना उमेदवारी घोषित करण्यात आली. त्यावरून आता काँग्रेसनं उघडपणे नाराजी व्यक्त करत अजूनही वेळ गेली नाही असं विधान केले आहे.
काँग्रेसचे नेते बाळासाहेब थोरात म्हणाले की, उद्धव ठाकरेंनी आज शिवसेनेच्या उमेदवारांची यादी जाहीर केली. ज्यामध्ये सांगली आणि मुंबईतील ज्या जागांवर चर्चा सुरू होती, तेथीलही उमेदवार जाहीर केले. जेव्हा आम्ही त्या प्रलंबित जागांच्या संदर्भाने चर्चेमध्ये आहोत, काँग्रेसची त्या जागांचा बाबत आग्रही मागणी आहे, अजूनही त्यावर तोडगा निघालेला नाही, असे असतानाही त्या जागांवरून उमेदवार जाहीर करणे हे योग्य नाही. आघाडी धर्माचे पालन सगळ्यांनीच केले पाहिजे असं माझे मत असून अजूनही वेळ गेलेली नाही, शिवसेनेने या जागांवर फेरविचार करावा असा सूचक इशारा त्यांनी दिला आहे.
तर महाविकास आघाडीचा जागावाटप चर्चा सुरू असताना उद्धव ठाकरे यांनी दोन जागांवर उमेदवार जाहीर केले आहेत. आघाडी धर्म पाळला असता तर बरे झाले असते. चर्चा सुरू असताना उमेदवार घोषित करणे हे आघाडी धर्माला गालबोट लागले, यावर त्यांनी पुनर्विचार करावा असं विधानसभेचे विरोधी पक्षनेते विजय वडेट्टीवार यांनी म्हटलं आहे.
ठाकरे गटाकडून जाहीर झालेले १७ उमेदवार
बुलढाणा - नरेंद्र खेडेकरयवतमाळ-वाशिम - संजय देशमुखमावळ - संजोग वाघेरे-पाटीलसांगली - चंद्रहार पाटीलहिंगोली - नागेश पाटील आष्टीकरछत्रपती संभाजीनगर - चंद्रकांत खैरेधाराशिव - ओमराजे निंबाळकरशिर्डी- भाऊसाहेब वाघचौरेनाशिक - राजाभाई वाजेरायगड - अनंत गीतेसिंधुदुर्ग-रत्नागिरी - विनायक राऊतठाणे - राजन विचारेमुंबई-ईशान्य - संजय दिना पाटीलमुंबई-दक्षिण - अरविंद सावंतमुंबई-वायव्य - अमोल कीर्तिकरपरभणी - संजय जाधवमुंबई दक्षिण मध्य - अनिल देसाई