शहरं
Join us  
Trending Stories
1
मोठी बातमी: मुंबईतील ताज हॉटेल आणि विमानतळ बॉम्बने उडवण्याची धमकी देणाऱ्या आरोपीला अटक
2
इस्रायलच्या कंपनीचा लोकसभा निवडणुकीत हस्तक्षेप, ChatGPT बनवणाऱ्या कंपनीचा मोठा दावा...
3
मुंबईतील प्रवाशांना मोठा दिलासा; जम्बो ब्लॉकदरम्यान गैरसोय टाळण्यासाठी सरकारचा महत्त्वपूर्ण निर्णय
4
बीडमध्ये पुन्हा एसीबीचा ट्रॅप; केजच्या तहसीलदारासह कोतवाल जाळ्यात
5
जीवघेणी गरमी; इलेक्शन ड्युटीवर गेलेल्या 22 कर्मचाऱ्यांचा मृत्यू, अनेकांची प्रकृती चिंताजनक....
6
हजारो वारकऱ्यांना CM एकनाथ शिंदेंचा एक कॉल; "पांडुरंगाचा सेवक म्हणून सेवा करणार"
7
नाना पटोलेंनी शेतकऱ्यांच्या बांधावरून थेट मुख्यमंत्र्यांना फोन केला; पुढे काय घडलं?
8
'आचारसंहितेचा भंग होणार नाही याची काळजी घ्या...'; मोदींच्या ध्यान-धारणेवरून निवडणूक आयोगाचा PMO ला सल्ला
9
पुढचे ४ आठवडे पाकिस्तानी खेळाडूंवर टीका नको; PCB अध्यक्षांची कळकळीची विनंती
10
ऐतिहासिक पंढरपूरच्या विठ्ठल रूक्मिणी मंदिरातील तळघरात आतापर्यंत काय काय सापडलं?
11
Paris Olympics 2024 : निशांतची ऑलिम्पिकमध्ये एन्ट्री! असं करणारा ठरला पहिला भारतीय पुरूष बॉक्सर
12
एक्झिट पोलच्या चर्चेत काँग्रेस सहभागी होणार नाही; पक्ष हायकमांडचा निर्णय
13
Mr. & Mrs. Mahi Movie Review : राजकुमार राव-जान्हवी कपूरच्या अभिनयाचा 'षटकार'
14
मराठवाड्यात महायुतीला मिळणार भोपळा?; मुंडे, दानवेही पडणार, चंद्रकांत खैरेंचा दावा
15
कोकण पदवीधरमधून मनसे उमेदवारी मागे घेणार का? अभिजीत पानसेंनी सगळंच सांगितलं
16
मुंबईत उद्या ‘जम्बो’ हाल होणार; ५३४ लोकल फेऱ्या रद्द!
17
भुजबळांनी पुन्हा दाखवले 'बळ'! समज देण्याची मागणी करणाऱ्यांचा खरपूस शब्दांत समाचार
18
"बोलायला नाही, कर्तृत्त्व दाखवायला हिंमत लागते", परकीय गुंतवणुकीवरुन देवेंद्र फडणवीसांचा विरोधकांना टोला!
19
मुंबई महानगरात ४० पेक्षा अधिक मजल्यांच्या तब्बल १५४ इमारती, २०३० पर्यंत ३६१ होणार!
20
"तो निर्णय संघ व्यवस्थापनाचा होता, यात विशेष काही नाही", जितेश शर्माच्या मनाचा मोठेपणा 

नांदेडमध्ये अशोक चव्हाणांना रोखण्यासाठी खुद्द मोदी मैदानात

By ऑनलाइन लोकमत | Published: April 06, 2019 1:03 PM

काँग्रेसने आतापर्यंत तब्बल १५ वेळा नांदेडमध्ये विजय मिळवला आहे. काँग्रेसचा हा गड पाडण्यासाठी खुद्द पंतप्रधान नरेंद्र मोदी मैदानात उतरले आहे. मुख्यमंत्री देवेंद्र फडणवीस यांनी ही लढत प्रतिष्ठेची केली असून त्यासाठी पंतप्रधान मोदी नांदेडमध्ये आज सभा घेत आहेत.

मुंबई - लोकसभा निवडणुकीच्या पार्श्वभूमीवर राजकीय नेते आणि पक्ष नेतृत्व विविध मतदार संघ पिंजून काढताना दिसत आहे. महाराष्ट्रात देखील भाजप-शिवसेना आणि काँग्रेस-राष्ट्रवादी काँग्रेस संपूर्ण जोर लावत आहे. राज्यातील महत्त्वाच्या लढतींवर नजर टाकल्यास नांदेड येथील लढतीवर संपूर्ण राज्याचे लक्ष लागले आहे. या मतदार संघात काँग्रेसने आतापर्यंत तब्बल १५ वेळा विजय मिळवला आहे. काँग्रेसचा हा गड पाडण्यासाठी खुद्द पंतप्रधान नरेंद्र मोदी मैदानात उतरले आहे. मुख्यमंत्री देवेंद्र फडणवीस यांनी ही लढत प्रतिष्ठेची केली असून त्यासाठी पंतप्रधान मोदी नांदेडमध्ये आज सभा घेत आहेत.

नांदेड मतदार संघातून काँग्रेसने पुन्हा एकदा माजी मुख्यमंत्री अशोक चव्हाण यांना निवडणुकीच्या रिंगणात उतरविले आहे. तर एनडीएकडून शिवसेनेचे बंडखोर नेते प्रतापराव चिखलीकर यांना उमेदवारी देण्यात आली आहे. अशोक चव्हाण यांना हा मतदार संघ आपल्या वडिलांकडून मिळाला आहे. राजकीय विश्लेषकांच्या मते शंकरराव चव्हाण यांचे राजकीय वारसदार म्हणून दोन नेते मराठवाड्यातून उदयास आले. एक म्हणजे, त्यांचे चिरंजीव अशोक चव्हाण तर दुसरे होते, विलासराव देशमुख. मराठवाड्यातील या दोन्ही नेत्यांनी महाराष्ट्राच्या मुख्यमंत्रीपदी होण्याचा मान मिळवलेला आहे.

नांदेड मतदार संघात ६ विधानसभा मतदार संघ येतात. आकडेवारी पाहिल्यास या मतदार संघात १९ वेळा लोकसभा निवडणूक झाली. यापैकी १५ वेळा काँग्रेसने विजयाची नोंद केली आहे. १९५७ ते १९७१ पर्यंत येथे काँग्रेसचे वर्चस्व होते. १९७७ मध्ये जनता पक्षाने येथे विजय मिळवला. त्यानंतर १९८० मध्ये पुन्हा काँग्रेसचे पुनरागमन झाले. त्यानंतर १९९९ पर्यंत हा मतदार संघ काँग्रेसकडे होता. १९८० आणि १९८४ मध्ये येथून शंकरराव चव्हाण विजयी झाले होते. तर १९८७ च्या पोटनिवडणुकीत अशोक चव्हाण विजयी झाले होते.

दरम्यान १९८९ मध्ये जनता दलाने येथे विजय मिळवला. त्यानंतर हा मतदार संघ पुन्हा एकदा काँग्रेसने घेतला. परंतु, २००४ मध्ये येथे कमळ फुलले. त्यावेळी डी.बी. पाटील यांनी विजय मिळवला होता. त्यानंतर २००९ मध्ये काँग्रेसने हा मतदार संघ पुन्हा मिळवला. तेव्हापासून हा मतदार संघ काँग्रेसकडे असून अशोक चव्हाण खासदार आहेत.

काँग्रेस-भाजपमध्ये चुरस

नांदेड लोकसभा मतदार संघ काँग्रेसचा गड राहिलेला आहे. दलित आणि मराठी मतदार येथे मोठ्या प्रमाणात आहे. तसेच मुस्लीम मतदार महत्त्वपूर्ण भूमिका बजावणार आहे. तब्बल १५ वेळा या मतदार संघात विजय मिळवणाऱ्या काँग्रेससाठी हा गड राखण्याचे आव्हान आहे. परंतु, खुद्द पंतप्रधान नरेंद्र मोदी नांदेडमध्ये सभा घेणार आहेत. त्यामुळे नांदेडकडे सर्वांचेच लक्ष लागले आहे.

२०१४ मधील स्थिती

विद्यमान खासदार अशोक चव्हाण यांनी २०१४ मध्ये डी.बी. पाटील यांना ८१ हजार ४५५ मतांनी पराभूत केले होते. अशोक चव्हाण यांना ४,९३,०७५ मते मिळाली होती. तर पाटील यांना ४,११,६२० मते मिळाली होती. तर तिसऱ्या क्रमांकावर बीएमयुपी तिसऱ्या स्थानी होता.

टॅग्स :Lok Sabha Election 2019लोकसभा निवडणूकAshok Chavanअशोक चव्हाणNarendra Modiनरेंद्र मोदीcongressकाँग्रेसBJPभाजपा