Indorikar has a line of political leaders; MNS, BJP leaders met | इंदोरीकरांकडे राजकीय नेत्यांची रीघ; मनसे, भाजपचे नेते भेटले

इंदोरीकरांकडे राजकीय नेत्यांची रीघ; मनसे, भाजपचे नेते भेटले

अहमदनगर : कीर्तनकार निवृत्ती महाराज इंदोरीकर यांच्याविरुद्ध संगमनेर न्यायालयात खासगी फिर्याद दाखल झाल्यानंतर आता त्यांच्याविषयी सहानुभूती दाखवत राजकीय नेते इंदोरीकरांच्या भेटी घेत आहेत. दोन दिवसात मनसे व भाजपच्या नेत्यांनी त्यांच्या ओझर (ता. संगमनेर) येथील निवासस्थानी येत त्यांना पाठिंबा दिला.
कीर्तनामधून इंदोरीकर महाराज यांनी गर्भधारणापूर्व व प्रसूतीपूर्व गर्भलिंग निदान प्रतिबंधक (पीसीएनडीटी) कायद्याचा भंग केल्याची न्यायालयात खासगी फिर्यादही दाखल झाली आहे. मनसेचे नेते अभिजित पानसे यांनी शनिवारी इंदोरीकरांची भेट घेतली. रविवारी भाजपाच्या आध्यात्मिक आघाडीचे प्रदेश सहसंयोजक तथा वारकरी संप्रदाय क्षेत्रातील आचार्य तुषार भोसले यांनी इंदोरीकर यांची भेट घेतली. शिवसेनेचे हिंदुत्व आता कुठे दिसते आहे? असा प्रश्न त्यांनी केला.

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Indorikar has a line of political leaders; MNS, BJP leaders met

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.