पुणे : मी स्वत:ला ‘फॅशन आयकॉन’ समजत नाही. परंतू माझ्याकडून लोकांना प्रेरणा मिळावी असे मला वाटते असे मत अमृता फडणवीस यांनी पुण्यात व्यक्त केले.
खास महिलांसाठी दागिने व कपड्यांच्या ’कुटूर’ या प्रदर्शनाचे उदघाटन अमृता फडणवीस यांच्या हस्ते झाले. त्यानंतर त्यांनी पत्रकारांशी संवादसाधला. या वेळी प्रदर्शनाच्या आयोजक स्मितादेवी पटवर्धन,नैना मुथा, खासदार वंदना चव्हाण, आमदार माधुरी मिसाळ, उषा काकडे आदि उपस्थित होत्या. ‘फँशन आयकॉन’ अशी तुमची एक प्रतिमा निर्माण झाली आहे, त्याबददल विचार व्यक्त करताना त्या म्हणाल्या की, व्यक्तिमत्व खुलवण्यासाठी कपडे आणि फॅशन मदत करत असले तरी आत्मविश्वासही व्यक्तिमत्त्वातील सर्वांत आवश्यक गोष्ट आहे. माझे अनेक कपडे ‘एनआयएफटी’ संस्थेच्या फॅशन डिझायनिंगच्या विद्यार्थ्यांनी डिझाईन केलेले आहेत. त्यातून या विद्यार्थ्यांना प्रोत्साहन मिळते याचा मला आनंद आहे.
ट्रोलिंगमधून कोणीही सुटत नाही
सोशल मीडियावर मोठ्या प्रमाणावर ट्रोलिंग केले जाते, मुख्यमंत्री देवेंद्र फडणवीस यांच्यावर देखील टीका होते, या ट्रोलिंगकडे कशापद्धतीनेपाहाता याविषयी विचारले असता त्या म्हणाल्या, लोकांपर्यंत आपले विचार पोहोचवण्यासाठीच आपण समाजमाध्यमांवर व्यक्त होत असतो आणि या माध्यमांवर‘ट्रोलिंग’पासून कोणीही सुटत नाही. हे ट्रोलिंग आपण कसे घेतो ते महत्त्वाचे आहे. ट्रोलिंगमधील महिलांसाठी अवमानकारक आणि दहशत पसरवूपाहणा-या पोस्ट मात्र निश्चित निंदनीय असून त्या थांबायला हव्यात. या बाबतीत गरज पडल्यास सायबर कायद्यांची मदत घ्यावी. मुख्यमंत्री देखील होणारी टीका सकारात्मक घेऊन त्याची दखल घेत सर्वसमावेशक चचेर्तून तोडगा काढण्याचा प्रयत्न करतात.
लहान मुलांवर अत्याचार करणाऱ्यांना हवे कडक शासन
समाजात लहान मुला-मुलींवरील अत्याचाराच्या वाढत्या घटना संतापजनक असून, पुरूषांमधील ही दानवी वृत्ती मारायला पाहिजे. बालकांवर अत्याचार करणा-या आरोपींना कडक शिक्षा झाली पाहिजे अशा शब्दात त्यांनी लहान मुलांवरील गंभीर घटनांवर बोट ठेवले.
स्त्रियांवर होणाऱ्या अत्याचारांसंदर्भात आवाज उठवण्याची गरज
आज समाजातच नव्हे तर कुटुंबांमध्येही महिलांवर अत्याचार होत आहेत. आपले मूल्य आपल्याला समजायला हवे. महिलांच्या सक्षमीकरणांसाठी आधी महिलांनी महिलांच्या पाठीशी उभे राहणे फार महत्त्वाचे आहे. महिलांबाबतची सामाजिक मानसिकता बदलणेआवश्यक असून, शिक्षण व मूल्यांच्या रुजवणुकीतून ते शक्य आहे.एकीकडे महिला प्रगतीपथावर जात आहेत तर दुसरीकडे त्या अत्याचाराच्या बळी ठरत आहेत. महिलांवरील अत्याचारासंदर्भात एकत्रित आवाज उठविण्याची गरज आहे. महिलांच्या संदभार्तील गुन्ह्यांमध्ये दोषींना शिक्षा होण्याचा दर वाढला असून हे सुचिन्ह आहे. मुलगी झाल्यानंतर कन्या भाग्यश्री योजना वगैरे राबविल्या जात आहेत मात्र त्या वरवरच्या आहेत. मुलगी झाल्यानंतर काय? असा प्रश्न पडतो तेव्हा विविध क्षेत्रातील महिलांचे आदर्श पालकांच्या डोळ्यासमोर ठेवायला हवेत.