बेळगावचे संतोष पेडणेकर, जयंत जाधव, सविता कांबळे मराठी नाहीत का? पडळकरांनी राऊतांना विचारली व्याख्या

Gopichand Padalkar targets Sanjay Raut on Belgaum: महाराष्ट्राच्या मतदारने युतीला बहुमत दिले. पण नंतर तुम्ही मराठी माणसाच्या पाठीत खंजीर खुपसला. पाकिस्तानचे व  कलम ३७० चे गोडवे गाणाऱ्यांसोबत सत्तेचा मेवा तुम्ही खाताय. हे बेळगावलाच नाही तर अखंड हिंदूस्थानाला समजले आहे, अशी टीका गोपिचंद पडळकरांनी संजय राऊतांवर केली आहे.

बेळगाव महापालिका निवडणुकीचा निकाल धक्कादायक लागलेला असताना त्याचे पडसाद आता मुंबई महापालिकेच्या निवडणुकीच्या तोंडावर महाराष्ट्रात उमटू लागले आहेत. शिवसेनेचे राज्यसभा खासदार संजय राऊतांना (Sanjay Raut) भाजपाचे विधान परिषद आमदार गोपीचंद पडळकर (Gopichand Padalkar) यांनी मराठी माणसाची व्याख्याच विचारली आहे. (Gopichand Padalkar Ask Marathi definition of Shiv sena)

संजय राऊतांनाबेळगाव मध्ये निवडूण आलेले संतोष पेडणेकर, जयंत जाधव, सविता कांबळे, रवी धोत्रे, रेशमा पाटील असे नगरसेवक मराठी माणसं वाटत नाहीयेत का? शिवसेनेच्या तिकीटावर निवडून आले नाहीत म्हणून ते मराठीच राहिले नाहीत का? मराठी माणसाच एवढा आकस कसला असा सवाल पडळकरांनी केला आहे. 

महाराष्ट्राच्या मतदारने युतीला बहुमत दिले. पण नंतर तुम्ही मराठी माणसाच्या पाठीत खंजीर खुपसला. पाकिस्तानचे व  कलम ३७० चे गोडवे गाणाऱ्यांसोबत सत्तेचा मेवा तुम्ही खाताय. हे बेळगावलाच नाही तर अखंड हिंदूस्थानाला समजले आहे. दिल्लीतल्या मॅडमला व युवराजांना सत्तेसाठी खुष करण्यासाठी  तुम्ही वारकऱ्यांना गुन्हेगार ठरवून मराठीजणांचा सन्मान असलेल्या वारीवर दंडुक़ेशाहीचा वापर केला. वारकऱ्यांच्या खांद्यावरून भगवा पताका उतरवला. त्यांचाच शाप व तळतळाट तुम्हाला आता इथून पुढेही भोगावा लागणार आहे, असा इशारा पडळकरांनी राऊत आणि शिवसेनेला दिला आहे. 

किंबहुना आपला पराभव म्हणजे बेळगावच्या मराठी माणसाने तुमच्या १५ कोटींच्या 'पेंग्विन' विकासाचा मॉडल नाकारले आहे. हिंदू सण आले की तुम्ही निर्बंध लादता व इतरांचा सणासुदीला सत्तेसाठी मुजरे करता अशा तुमच्या पाखंडी वृत्तीचा बुरखा फाटलाय आणि तुमचा खरा चेहरा प्रत्येक हिंदूच्या पुढे उजळून आलाय, अशी टीका पडळकरांनी शिवसेनेवर केली आहे.