Rohit Pawar: रोहित पवार यांच्या अडचणीत वाढ, मुंबईत गुन्हा दाखल; नेमकं प्रकरण काय?

Rohit Pawar News: शरद पवार गटाचे आमदार रोहित पवार यांच्यातविरुद्ध मुंबईतील दक्षिण विभागीय सायबर पोलीस स्टेशनमध्ये गुन्हा दाखल करण्यात आला. 

राष्ट्रवादी काँग्रेस पक्षाचे नेते आणि आमदार रोहित पवार यांच्या अडचणीत मोठी वाढ झाली. अमेरिकेचे माजी अध्यक्ष डोनाल्ड ट्रम्प यांचे बनावट आधार कार्ड तयार केल्याचे त्यांनी जाहीरपणे कबूल केल्यानंतर त्यांच्याविरुद्ध मुंबईतील दक्षिण विभागीय सायबर पोलीस स्टेशनमध्ये गुन्हा दाखल करण्यात आला. हे कृत्य केवळ कायदेशीरदृष्ट्या गंभीर नसून, राष्ट्रीय सुरक्षेच्या दृष्टीनेही धोकादायक मानले जात आहे.

आमदार रोहित पवार यांनी एका पत्रकार परिषदेत स्पष्टपणे सांगितले होते की, त्यांनी बनावट कागदपत्रांचा वापर करून डोनाल्ड ट्रम्प यांचे आधार कार्ड तयार केले. देशाच्या ओळख पडताळणी प्रणालीतील त्रुटी अधोरेखित करण्यासाठी आपण हे कृत्य केल्याचा पवारांचा दावा आहे. कायदेशीर तज्ज्ञांच्या मते, ओळख पडताळणी प्रणालीतील त्रुटी दाखवण्यासाठीही अशा प्रकारे बनावट कागदपत्रे तयार करणे, हा मोठा गुन्हा आहे. यामुळे सार्वजनिक सुव्यवस्था आणि लोकांच्या सरकारी प्रणालीवरील विश्वासाला हानी पोहोचू शकते.

VIDEO | Mumbai: Maharashtra BJP leader Navnath Ban said, “Rohit Pawar, an MLA from Sharad Pawar’s group leader Rohit Pawar, recently held a press conference claiming to create a Donald Trump ID card, which insulted the country’s Aadhaar system... BJP filed a complaint against… pic.twitter.com/DKFc8tGUVb

— Press Trust of India (@PTI_News) October 30, 2025

या घटनेनंतर, भारतीय जनता पक्षाचे अधिकारी धनंजय वागस्कर यांनी रोहित पवारांविरुद्ध दक्षिण विभागीय सायबर पोलीस स्टेशनमध्ये औपचारिक तक्रार दाखल केली. रोहित पवार यांनी सार्वजनिक शांतता भंग करण्याचा आणि लोकांमध्ये गोंधळ पसरवण्याचा प्रयत्न केल्याचा आरोप वागस्कर यांनी केला. तक्रारीच्या आधारावर, मुंबई सायबर पोलिसांनी रोहित पवार यांच्यासह या गुन्ह्यांत सहभागी असलेल्या लोकांविरोधात कारवाई केली. डिजिटल पुराव्यांची फॉरेन्सिक तपासणी सुरू असून, लवकरच पुढील कारवाई केली जाईल.