बॅकेच्या कर्जवसुलीच्या तगाद्याला कंटाळून शेतकऱ्याची १२ वर्षाच्या मुलासह आत्महत्या

Farmer commits suicide with 12-year-old son : विवंचनेत त्यांनी व मुलगा प्रतिक अनंता मनवर (१२) याने घरात गळफास घेऊन आत्महत्या केली.

ठळक मुद्देकारंजा तालुक्यातील गिर्डा येथील घटना जिल्हा मध्यवर्ती बँक, कारंजा शाखेचे शेतीकरीता कर्ज घेतले.घरात गळफास घेऊन आत्महत्या केली.

कारंजा लाड : बँकेकडून कर्ज वसूलीसाठी होत असलेल्या तगाद्याला कंटाळून कारंजा तालुक्यातील ग्राम गिर्डा येथील १२ वर्षीय मुलासह वडिलने आत्महत्या केली. ही घटना घटना ३१ मार्च रोजी सकाळी उघडकीस आली.

यासंदर्भातून ग्रामीण पोलीसांनी दिलेल्या माहितीनुसार गिर्डा येथील अनंता बंडूजी मनवर (४५) यांच्याकडे जिल्हा मध्यवर्ती बँक, कारंजा शाखेचे शेतीकरीता घेतलेले कर्ज आहे. यावर्षी विविध कारणांमुळे झालेली नापीकी आणि त्यातच तीन विवाहयोग्य झालेल्या मुलींचे लग्न कसे करायचे, हा प्रश्न त्यांच्यासमोर उभा ठाकला होता. या विवंचनेत त्यांनी व मुलगा प्रतिक अनंता मनवर (१२) याने घरात गळफास घेऊन आत्महत्या केली. या ह्रदयद्रावक घटनेमुळे गिर्डा गावात सर्वत्र हळहळ व्यक्त होत आहे. घटनेचा पुढील तपास ग्रामीण पोलीस स्टेशनचे ठाणेदार गजानन धंधर करित आहेत.