राज्यसभा निवडणुकीसाठी भाजपा महाराष्ट्रातून कुणाकुणाला उमेदवारी देणार याबाबत मोठ्या प्रमाणावर उत्सुकता निर्माण झाली होती. दरम्यान, उमेवारी अर्ज दाखल करण्यासाठी अखेरचा एक दिवस उरला असताना आज भाजपाने राज्यसभेसाठीच्या आपल्या चार उमेदवारांची यादी जाहीर केली. या यादीमध्ये ज्येष्ठ नेते विनोद तावडे आणि केंद्रीय मंत्री रामदास आठवले यांच्या नावांचा अपेक्षेप्रमाणे समावेश असला तरी उर्वरित दोन उमेदवार निवडताना भाजपाने धक्कातंत्राचा अवलंब केला आहे. भाजपाने चर्चेतील अनेक नावे बाजूला ठेवत रामराव वडकुते आणि माया इवनाते यांना उमेदवारी देत सर्वांना आश्चर्याचा धक्का दिला आहे. त्या पार्श्वभूमीवर भाजपाने उमेदवारी दिलेले रामराव वडकुते आणि माया ईवनाते हे कोण आहेत. तसेच त्यांची आतापर्यंतची राजकीय कारकीर्द कशी आहे, हे आपण जाणून घेऊयात.
राज्यसभा निवडणुकीसाठी भाजपाने उमेदवारी दिलेले रामराव वडकुते हे माजी आमदार आहेत. तसेच ते सध्या पक्षाचे हिंगोलीमधील जिल्हाध्यक्ष म्हणून जबाबदारी सांभाळत आहेत. रामराव वडकुते यांनी आपल्या रायकीय कारकिर्दीची सुरुवात शरद पवार यांच्या राष्ट्रवादी काँग्रेसमधून केली होती. शरद पवार यांनी त्यांना विधान परिषदेवर संधी दिली होती. मात्र काही वर्षांपूर्वी त्यांनी शरद पवारांची साथ सोडत भाजपामध्ये प्रवेश केला होता. तसेच भाजपाने त्यांच्याकडे जिल्हाध्यक्षपदाची जबाबदारी सोपवली होती.
तर भाजपाने उमेदवारी दिलेल्या माया चिंतामण इवनाते ह्या नागपूरच्या माजी महापौर आहेत. आदिवासी समाजातील नेत्या असलेल्या या इवनाते यांनी नुकत्याच झालेल्या नागपूर महानगरपालिकेच्या निवडणुकीत प्रभाग क्रमांक १२ मधून विजय मिळवला होता. राष्ट्रीय अनुसूचित जनजाती आयोगाच्या सदस्यपदी काम करण्याचादेखील ईवनाते यांच्याकडे अनुभव आहे.
दरम्यान, राज्यसभेच्या निवडणुकीसाठी उमेदवारी अर्ज दाखल करण्याची शेवटची तारीख ५ मार्च आहे. तर या निवडणुकीसाठी १६ मार्च रोजी मतदान होणार असून, त्याच दिवशी संध्याकाळी मतमोजणी होणार आहे.
Web Summary : BJP's Rajya Sabha nominations surprised many by choosing Ramrao Wadkute, ex-NCP, now Hingoli district head, and Maya Ivnate, Nagpur's ex-mayor from tribal community. Veteran leaders like Vinod Tawde and Ramdas Athawale were also nominated, while several expected candidates were overlooked.
Web Summary : भाजपा ने राज्यसभा के लिए रामराव वडकुते, जो कभी एनसीपी में थे और अब हिंगोली जिला अध्यक्ष हैं, और माया इवनाते, नागपुर की पूर्व महापौर, को चुनकर सबको चौंका दिया। विनोद तावडे और रामदास अठावले भी नामित, कई अपेक्षित उम्मीदवार छूट गए।