अजित पवार यांचे अपघातग्रस्त झालेले विमान बिहार निवडणुकीतही वापरले; भाजप नेत्यांनी केला होता प्रवास

उपमुख्यमंत्री अजित पवार यांना घेऊन जाणाऱ्या विमानाचा काल (बुधवारी) अपघात झाला, तेच विमान बिहार विधानसभा निवडणुकीतही वापरले होते. त्या विमानातून भाजपचे अनेक नेते निवडणूक प्रचारासाठी पाटण्याला गेले होते.

उपमुख्यमंत्री अजित पवार यांचा काल (बुधवारी) बारामतीमध्ये विमान अपघातात मृत्यू झाला.  अपघातग्रस्त झालेले विमान व्हीएसआर व्हेंचर्सचे होते. २८ जानेवारी रोजी बारामती येथे अपघात झालेले चार्टर्ड विमान, लिअरजेट ४५ होते. हे विमान बिहार विधानसभा निवडणुकीतही वापरले होते.

Ajit Pawar Death : लाडक्या पुतण्याला अखेरचा निरोप, हुंदका आवरेना; शरद पवारांचे मन हेलावून टाकणारे फोटो

मिळालेल्या माहितीनुसार, कॅप्टन सुमित कपूर आणि कॅप्टन शांभवी यांनी २०२५ मध्ये झालेल्या बिहार विधानसभा निवडणुकीतही हे विमान चालवले होते. या विमानातून भाजपाच्या नेत्यांनी प्रवास केला होता.  हे नेते निवडणूक प्रचारासाठी पाटण्याला गेले होते.

या चार्टर फ्लाईटने महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि आसामचे मुख्यमंत्री हिमंता बिस्वा सरमा यांच्यासह अनेक भाजप नेते पाटण्याला गेले होते. व्हीएसआर व्हेंचर्स ही कंपनी मुझफ्फरपूर येथील रहिवासी कॅप्टन व्हीके सिंह यांच्या मालकीची आहे.

अपघाताच्या दिवशी हे विमान पाटण्याला जाणार होते

२८ जानेवारी रोजी विमान क्रॅश झाले. हे विमान आंध्र प्रदेशातील व्यापारी महेश कुमार रेड्डी यांना घेऊन शमसाबाद विमानतळावरून पाटण्याला जाणार होते. बुधवारी सकाळी १०.३० वाजता ते पाटण्याला उतरणार होते आणि रात्री ९.३० वाजता पाटण्याहून उड्डाण करणार होते. बारामती विमान अपघातानंतर, महेश रेड्डी दुसऱ्या चार्टर्ड विमानाने पाटणा येथे पोहोचले .