इन्स्ट्रुमेंटल लँडिग सीस्टम म्हणजे काय ?

Instrumental Landing System: नियमित विमानप्रवास करणाऱ्या व्यक्तीला शुभेच्छा देताना लोक म्हणतात 'हॅप्पी लँडिग.' त्याचे कारणही तसेच आहे; कारण उड्डाणापेक्षा विमान उतरवणे हे अधिक आव्हानात्मक आहे.

मुंबई -  नियमित विमानप्रवास करणाऱ्या व्यक्तीला शुभेच्छा देताना लोक म्हणतात 'हॅप्पी लँडिग.' त्याचे कारणही तसेच आहे; कारण उड्डाणापेक्षा विमान उतरवणे हे अधिक आव्हानात्मक आहे. त्यामुळेच विमान क्षेत्रामध्ये विमान उतरवण्यासाठी सुरक्षेवर अधिक भर देण्यासाठी त्यातील तंत्रज्ञान प्रणाली अधिक अद्ययावत करण्यावर सातत्याने संशोधन सातत्याने सुरू असते. सध्या इन्स्ट्रुमेंटल लँडिंग सिस्टम (आयएलएस) ही प्रणाली अद्ययावत म्हणून ओळखली जाते. तिला आंतरराष्ट्रीय नागरी उड्डाण संघटनेचीही मान्यता आहे.

आयएलएस प्रणालीचे वैशिष्ट्य असे की, हवामान कितीही खराब असले किंवा दृश्यमानता कितीही कमी असली तरी या प्रणालीमुळे विमान उतरवणे सुसह्य होते. विमान अत्यंत सुरक्षितरीत्या उतरते. परिणामी अपघाताची शक्यता शून्य टक्के इतकी होते.