अजितदादा सार्वजनिक कार्यक्रमांना गैरहजर असतात, नाराज आहेत?; प्रफुल्ल पटेलांनी दिले हेल्थ अपडेट

Ajit Pawar dengue: अजित पवार हे सार्वजनिक कार्यक्रमांना जात नसल्याने ते नाराज असल्याची चर्चा पुन्हा सुरु झाली होती.

गेल्या काही दिवसांपासून राज्याचे दुसरे उपमुख्यमंत्री अजित पवार हे सार्वजनिक कार्यक्रमांना जात नसल्याने ते नाराज असल्याची चर्चा पुन्हा सुरु झाली होती. यावर राष्ट्रवादीचे अजित पवार गटाचे नेते प्रफुल्ल पटेल यांनी महत्वाची माहिती दिली आहे. 

अजित पवारांना डेंग्यूची लागण झाल्याचे पटेलांनी स्पष्ट केले आहे. पुढील काही दिवस अजित पवारांना वैद्यकीय निरीक्षण आणि विश्रांतीचा सल्ला देण्यात आला आहे. ते पूर्णपणे बरे झाले की पुन्हा आपल्या कर्तव्यांवर परततील, असे पटेल यांनी म्हटले आहे. अजित पवार नाराज असल्याचे वृत्त चुकीचे असल्याचे ते म्हणाले. 

Contrary to speculative media reports suggesting that Shri Ajit Pawar is not attending public events, I would like to clarify that he has been diagnosed with dengue since yesterday and has been advised medical guidance and rest for the next few days. Shri Ajit Pawar remains…

— Praful Patel (@praful_patel) October 29, 2023

काही महिन्यांपूर्वी देखील अजित पवार आजारी होते, तेव्हा देखील ते नाराज असल्याच्या चर्चा सुरु झाल्या होत्या. यानंतर गेल्याच महिन्यात अजित पवारांनी कॅबिनेट बैठकीला गैरहजेरी लावली होती. तेव्हा ते खरोखरच नाराज होते. पालकमंत्रीपद वाटली जात नसल्याने त्यांनी नाराजी व्यक्त केली होती. यानंतर शिंदे-फडणवीस लगोलग दिल्लीला गेले होते, तिथून त्यांनी पालकमंत्री पदाचे आदेश आणले होते.