"फक्त कॅमेऱ्यांसाठी सगळे राष्ट्रवादाचे नाटक सुरू"; संजय राऊतांनी सुनावले, 'तो' व्हिडीओ केला शेअर

Sanjay Raut Ind vs Pak Asia Cup: पाकिस्तानचे गृहमंत्री आणि पाकिस्तान क्रिकेट असोसिएशनचे अध्यक्ष मोहसिन नकवी चषक घेऊन गेल्याचा वाद वाढला आहे. याच वादावर बोलताना खासदार संजय राऊत यांनी केंद्र सरकारला खडेबोल सुनावले आहेत. 

Sanjay Raut Mohsin Naqvi News: पाकिस्तानचा दणदणीत पराभव करत भारताने आशिया चषक स्पर्धा जिंकली. त्यानंतर मोठ्या नाट्यमय घटना घडल्या. भारतीय संघाचा कर्णधार सूर्यकुमार यादवने पीसीबीचे अध्यक्ष मोहसिन नकवी यांच्याकडून चषक स्वीकरला नाही. त्यानंतर नकवी निघून गेले. त्यांनी चषकही सोबत नेल्याचा आरोप बीसीसीआयने केलाय. याच सगळ्या वादात आता शिवसेनेचे (युबीटी) खासदार संजय राऊत यांनी केंद्र सरकारला सुनावले आहे. 

'लोकमत'चं WhatsApp चॅनल फॉलो करा!

खासदार संजय राऊत यांनी एक व्हिडीओ शेअर केला आहे. ज्यात सूर्यकुमार यादव आणि मोहसिन नकवी यांचा हस्तांदोलन करताना दिसत आहेत. त्यावरूनच संजय राऊतांनी केंद्र सरकारला लक्ष्य केले आहे. 

राऊत म्हणाले, कॅमेऱ्यासाठी राष्ट्रवादाचे नाटक 

नकवी आणि सूर्यकुमार यादव यांचा हस्तांदोलन करतानाच व्हिडीओ शेअर करत खासदार संजय राऊत म्हणाले, "फक्त १५ दिवसांपूर्वी, या मालिकेच्या सुरुवातीला ते (भारतीय संघाचा कर्णधार) पाकिस्तानचे मंत्री मोहसिन नक्वी यांच्यासोबत हस्तांदोलन करत होते आणि हसत-हसत फोटो काढत होते. आणि आता? कॅमेऱ्यांसाठी सगळे राष्ट्रवादाचे नाटक सुरू आहे", अशी टीका खासदार राऊत यांनी केली. 

Interior Minister of Pakistan Mohsin Naqvi was on stage to present Asia Cup Trophy to Team India.

And Indian Team players were busy on their phones. Ignored him so hard. This is brutal. 😂😂😂 pic.twitter.com/8jDT1Vq11k

— Incognito (@Incognito_qfs) September 28, 2025

केंद्र सरकारला उद्देशून संजय राऊत म्हणाले, "जर तुमच्या रक्तात खरंच देशभक्ती असती, तर तुम्ही पाकिस्तानसोबत मैदानात पाऊलही ठेवलं नसतं. सुरुवातीपासून ते शेवटपर्यंत, हे सगळं फक्त नाटक आहे. भारतीय जनतेला मूर्ख बनवलं जात आहे", असे खडेबोल संजय राऊतांनी सुनावले. 

Just 15 days ago, at the start of the series, they were shaking hands and smiling for photos with Pakistan’s minister Mohsin Naqvi.
And now? Full-on nationalist drama for the cameras!
If patriotism was truly in your blood, you wouldn’t have even stepped on the field with… pic.twitter.com/2HZVaHn2IC

— Sanjay Raut (@rautsanjay61) September 29, 2025

मोहसिन नकवींवर बीसीसीआयचे आरोप

पीसीबीबरोबरच आशियाई क्रिकेट असोसिएशनचे अध्यक्ष असलेल्या मोहसिन नकवी यांच्यावर बीसीसीआयचे सचिव देवजित सैकिया यांनी आरोप केले आहे. मोहसिन नकवी हे ट्रॉफी, तसेच टीम इंडियांची पदके घेऊन गेले, असे ते म्हणाले. 

आम्ही एसीसीच्या अध्यक्षांकडून ट्रॉफी न स्वीकारण्याचा निर्णय घेतला होता. पण, याचा अर्थ असा होत नाही की, त्यांनी पदकांसोबत ट्रॉफीही घेऊन जावी. हे खूप दुर्दैवी आहे. ट्रॉफी आणि पदके भारताला परत केली जातील, अशी आम्हाला आशा आहे. नोव्हेंबरमध्ये होणाऱ्या आयसीसीच्या बैठकीत आम्ही याचा निषेध करू", सैकिया म्हणाले.