दरम्यान, या निर्णयाचे कास्ट्राईब, अपंग विभाग संघटना लातूरच्या वतीने स्वागत केले आहे. सातवा वेतन आयोग लागू झाल्याने संघटनेच्या वतीने सामाजिक न्यायमंत्री धनंजय मुंडे यांचे आभार मानण्यात आले आहे. गेल्या अनेक दिवसांपासून सातवा वेतन आयोग रखडला होता. कास्ट्राईब, दिव्यांग विभाग संघटनेच्या वतीने अध्यक्ष कृष्णा इंगळे, सचिव सुरेश तांबे, राज्य कार्याध्यक्ष तुषार भालेराव यांच्या नेतृत्वाखाली लढा उभारला होता. विविध पातळ्यांवर आंदोलन करण्यात आले होते. उशिरा का होईना सातवा वेतन आयोग लागू झाल्यामुळे राज्यातील ८५० शाळा/कर्मशाळेतील ११ हजार शिक्षक व शिक्षकेत्तर कर्मचाऱ्यांना याचा लाभ होणार आहे. सातवा वेतन आयोग लागू व्हावा, यासाठी संघटनेच्या वतीने मुंबईच्या आझाद मैदानावरही आंदोलन करण्यात आले होते. यासह पालकमंत्री अमित देशमुख यांना निवेदन देण्यात आले होते.
शिक्षक, कर्मचाऱ्यांमध्ये आनंद
सातवा वेतन आयोग लागू झाल्याने शिक्षक, कर्मचाऱ्यांमध्ये आनंदाचे वातावरण आहे. या निर्णयाचे जिल्हाध्यक्ष गिरीश तुबाजी, कार्याध्यक्ष गौतम जोगदंड, उपाध्यक्ष उदय गोजमगुंडे यासह बंकट पवार, सुनील सोनटक्के, नागनाथ शेळके, बाबूराव सोमवंशी, अविनाश रामढवे, बाबासाहेब वाघमारे, गणेश इंडे, संगमेश्वर आनंदा, मनोज खंडेलवाल, राजेश शर्मा, शंकर नरवटे, किशोर सास्तूरकर, मंजूषा वारद, निमा मुसळे, दिलीप पाटील, शिवाजी कांबळे, शिवाजी गायकवाड, जयलाल गायकवाड, दत्तात्रय भोसले, प्रशांत कुलकर्णी, दामोधर कांबळे आदींनी स्वागत केले आहे.