Latur ZP Election Results: लातुरात देशमुखांना धक्का! काँग्रेसने सर्वाधिक जागा जिंकल्या, पण सत्ता महायुतीची

लातूर महापालिका निवडणुकीत चांगले यश मिळवणाऱ्या काँग्रेसला जिल्हा परिषद निवडणुकीत त्याची पुनरावृत्ती करता आली नाही. भाजपाची कामगिरी गेल्या निवडणुकीच्या तुलनेत वाईट असली तरी सत्ता मात्र राखली आहे. 

लातूर जिल्हा परिषद निवडणुकीचे निकाल आले आहेत. २०१७ च्या निवडणुकीच्या तुलनेत भाजपाला यावेळी चांगले प्रदर्शन करता आले नाही. २०१७ मध्ये ३६ जागा जिंकणाऱ्या भाजपाला अवघ्या १८ जागांवरच समाधान मानावं लागलं आहे. पण, दुसरीकडे काँग्रेस २३ जागा जिंकून सर्वात मोठा पक्ष ठरला आहे, पण सत्तेसाठी लागणारे आकडे जुळवणे कठीण आहे. त्यामुळे महायुतीतीच सत्ता जिल्हा परिषद येणार हे स्पष्ट झाले आहे. 

लातूर जिल्हा परिषदेच्या ५९ जागांसाठी निवडणूक पार पडली. ५९ पैकी सर्वाधिक २३ जागांवर काँग्रेसने विजय मिळवला आहे. पण, महाविकास आघाडीतील इतर दोन प्रमुख पक्षांना मतदारांनी दणका धक्का दिला आहे. महाविकास आघाडीची कामगिरी मात्र सरस राहिली आहे. विशेषतः अजित पवारांच्या राष्ट्रवादीला मिळालेल्या जागांमुळे महायुती सत्तेपर्यंत पोहोचू शकली आहे. 

लातूर जिल्हा परिषद निवडणूक निकाल - एकूण जागा ५९ 

भाजपा - १८शिंदेसेना - १राष्ट्रवादी काँग्रेस (अजित पवार) - १२ राष्ट्रवादी काँग्रेस (शरद पवार) - १काँग्रेस - २३उद्धवसेना - १मनसे -१इतर - २

लातूर जिल्हा परिषदेत बहुमताचा आकडा ३० आहे. त्यामुळे भाजपाचे १८ आणि राष्ट्रवादी काँग्रेस (अजित पवार) या दोन्ही पक्षाचे मिळून बहुमत पूर्ण होते. तर शिंदेसेनेचा एक सदस्यही आहे. त्यामुळे या आकड्यात आणखी भर पडली आहे. विशेषतः दोन अपक्ष निवडून आले आहेत. तेही महायुतीसोबत सत्तेत सामील होतील, याचीच शक्यता अधिक दिसत आहे. 

मनसेचा एक उमेदवार विजयी

लातूर जिल्हा परिषद निवडणुकीत महाराष्ट्र नवनिर्माण सेनेनेही एका जागेवर विजय मिळवला. रेणापूर तालुक्यातील पानगाव गटातून मनसेचे प्रदेश सचिव संतोष नागरगोजे यांचे भाऊ डॉ. सुनील नागरगोजे हे विजयी झाले आहेत.