कोविड सेंटरमधील डॉक्टरांचा गौरव

कोरोनाच्या संकटकाळामध्ये मोहनराव पाटील कोविड सेंटरमध्ये सर्व वैद्यकीय सोयीसुविधांनी युक्त इमारतीत ५० ऑक्सिजनयुक्त बेड व ५० आयसोलेशन बेड याप्रमाणे एकूण १०० खाटांची सुविधा देण्यात आली होती. यामुळे ग्रामीण भागातील रुग्णांना आधार मिळाला होता. या कोविड सेंटरमध्ये तज्ज्ञ डॉक्टरांच्या देखरेखेखाली ३४ रुग्णांवर यशस्वी उपचार करण्यात आले. याप्रसंगी धन्वंतरी आयुर्वेदिक मेडिकल कॉलेजचे प्राचार्य डॉ. दत्तात्रेय पाटील, वैद्यकीय अधीक्षक डॉ. दत्तात्रेय बिरादार, डॉ. अमृत चिवडे, डॉ. अनुराग कासनाळे, तलाठी श्याम कुलकर्णी, नवनीत जामनिक, कोंडिबा पडोळे यांचा सत्कार करण्यात आला. डॉ. सोनम सांगवीकर, डॉ. रोहिणी कांबळे, डॉ. राम यलमटे, जयभी पडिले, आशा मुंडे, अप्पाराव केंद्रे, महेश पांचाळ, रेखा बाबळसरे, मुस्तफा पठाण, वागुळे किशोर, नामदेव कांबळे, परमेश्वर सूर्यवंशी, निलेश कंदे, ऋषीकेश तूपकर आदींनी कोविड सेंटरमध्ये रुग्णांची सेवा केली. त्यांना उपविभागीय अधिकारी प्रमोद कुदळे, तहसीलदार प्रसाद कुलकर्णी यांचे सहकार्य लाभले. यावेळी डी.के. जाधव, प्रशांत भोसले, गोपीनाथ जायभाये, व्यंकट शिंदे, संदीप शिंदे, गोविंद काळे आदी उपस्थित होते.