मुलीच्या विवाह कार्यासाठी घरामध्ये ठेवलेल्या पैशावर चाेरट्याचा डल्ला, तीन लाखांची रोकड लंपास

लातूरमध्ये दिवसाढवळ्या फाेडले घर

राजकुमार जाेंधळे / लातूर : मुलीच्या लग्नकार्यासाठी घरामध्ये ठेवलेल्या तब्बल २ लाख ८० हजारांच्या राेकडवर अज्ञात चाेरट्याने डल्ला मारल्याची घटना सकाळी ८ ते सायंकाळी ५ वाजण्याच्या सुमारास लातुरातील लाड गल्लीत घडली. याबाबत गांधी चाैक पाेलिस ठाण्यात अज्ञाताविराेधात साेमवारी गुन्हा दाखल करण्यात आला आहे.

पाेलिसांनी सांगितले, प्रणिता गंगालाल डांगूर (वय ४२, रा. लाड गल्ली, लातूर) यांनी दिलेल्या तक्रारीमध्ये म्हटले आहे. मुलीच्या लग्न कार्यासाठी लागणारे राेख पैसे घरात ठेवले हाेते. दरम्यान, या पैशावर नजर ठेवत अज्ञात चाेरट्याने घराच्या दरवाजाचे कुलूप ताेडून, कडी काढून आत प्रवेश केला. घरातील लाेखंडी पेटीमध्ये ठेवलेली तब्बल २ लाख ८० हजारांची राेकड चाेरट्याने चाेरून नेली. ही घटना सकाळी ८ ते सायंकाळी ५ वाजण्याच्या सुमारास लातूर शहरातील लाड गल्ली येथे घडली.

घटनास्थळी गांधी चाैक ठाण्याच्या पाेलिस अधिकारी, कर्मचाऱ्यांनी भेट देऊन पाहणी केली. याबाबत गांधी चाैक पाेलिस ठाण्यात साेमवारी अज्ञात चाेरट्यांविराेधात गुरनं. २४१ / २०२५ कलम ३३१ (३), ३०५ (ए) बीएनएसनुसार गुन्हा दाखल करण्यात आला आहे. तपास पाेलिस उपनिरीक्षक डी. एन. काळे हे करीत आहेत.

पाेलिस पथकाकडून संशयित आराेपीचा शाेध

रविवारी दिवसा ही घरफाेडी करण्यात आली असून, आराेपी हा परिचित असावा, असा प्राथमिक अंदाज पाेलिसांनी व्यक्त केला आहे. लवकरच या आराेपीच्या मुसक्या आवळण्यात येतील, असेही सूत्रांनी सांगितले आहे. लग्न कार्याची लगबग, त्यासाठी लागणारी राेख रक्कम घरात ठेवल्याची माहिती चाेरट्याने हेरून त्यावर डल्ला मारला आहे.