Latest Marathi News

मुंबई : शहर आणि उपनगरीय लोकलमधील प्रवास महिलांसाठी भयप्रद ठरत आहे. चर्चगेटकडे जाणाऱ्या लोकलमध्ये तरुणीचा विनयभंग केल्याच्या घटनेमुळे हा प्रश्न अधोरेखित झाला आहे. विनयभंग, छेडछाड, अश्लील हावभावाच्या तक्रारी महिला प्रवाशांकडून केल्या जात आहेत. त्याविरोधात कठोर कारवाई मात्र होताना दिसत नाही. गेल्या पाच वर्षांत विनयभंगाच्या १४0 घटना घडल्या आहेत. महिला डब्यात घुसखोरीचे प्रमाणही मोठे आहे. २0१३ आणि २0१४ या वर्षात गव्हर्नमेंट रेल्वे पोलिसांकडून (जीआरपी) ५ हजार ३३0 आरोपी पकडण्यात आले. आरपीएफने मध्य रेल्वेवर २0१४मध्ये आणि २0१५ च्या जानेवारी, फेब्रुवारी महिन्यात करण्यात आलेल्या कारवाईत महिला डब्यांतून ३0 हजार ३७ घुसखोरांना पकडण्यात आले आहे.प्रवासात महिलांना सुरक्षित वाटावे म्हणून लोकलमध्ये त्यांच्यासाठी स्वतंत्र डबाही आहे. मात्र तरीही महिलांसाठी प्रवास असुरक्षितच ठरत आहे. लोकल प्रवासात, प्लॅटफॉर्मवर लोकलची वाट पाहताना किंवा पादचारी पुलावरून जाताना विनयभंग, अश्लील हावभाव, छेडछाड याचा सामना महिला प्रवाशांना करावा लागतो. विनयभंग, छेडछाड होत असताना अन्य प्रवासी मदत न करता बघ्याची भूमिकाच घेतात.काही महिला या छेडछाडीला विरोध करत पोलिसांकडे तक्रार करतात. २0१0 मध्ये विनयभंगाच्या १५ तक्रारी दाखल झाल्या होत्या. २0१४ मध्ये याच तक्रारींमध्ये वाढ झाली. एकूण ५५ तक्रारी दाखल झाल्याचे सांगण्यात आले. अश्लील हावभाव करण्याच्या ३५ तक्रारी दाखल झाल्या असून २0१0 ते २0१४ पर्यंत १४0 घटना विनयभंगाच्या घडल्या आहेत.महिला डब्यातून पुरुषांना प्रवास करण्याची मनाई असतानाही अनेक पुरुष घुसखोरी करतात. यामध्ये बहुुतांश फेरीवाले आणि मुलांचा समावेश असतो. त्यांच्यावर कारवाई करूनही फरक पडत नाही. २0१४ ते २0१५ मध्ये मध्य रेल्वे मार्गावरील लोकलमध्ये महिला डब्यात घुसखोरी करणाऱ्या एकूण ३0 हजार ३७ पुरुषांवर आरपीएफकडून कारवाई करण्यात आली. अनेकदा १८ वर्षांवरील मुलेही महिलांच्या डब्यातून प्रवास करतात. अशा मुलांवरही रेल्वे पोलिसांकडून कारवाई केली जात आहे.उपाययोजनाप्रत्येक पोलीस ठाण्यात एक महिला समिती स्थापन करण्यात आलेली आहे. या समितीमध्ये महिला, समाजसेविका, सामाजिक कार्य करणाऱ्या संस्थेतील महिला सभासद, महिला पोलीस कर्मचारी यांचा समावेश आहे.रात्री आठ ते सकाळी आठ दरम्यान लोकलमधील महिला डब्यात शस्त्रधारी पोलीस कर्मचाऱ्यांची नेमणूक करण्यात आली आहे. प्रवाशांच्यासुरक्षेसाठी दक्ष नागरिक योजना सुरू करण्यात आली आहे.स्थानकांवर सीसीटीव्ही बसवण्यात आले आहेत. त्याचप्रमाणे काही लोकलमध्ये महिला डब्यात सीसीटीव्ही बसवण्यात येत आहेत.जीआरपी निर्भया व्हॉट्सअॅप हेल्पलाइन क्रमांक ९८३३३१२२२२ किंवा २३७५९२८३ वर संपर्क साधण्याचे आवाहन करण्यात आले आहे.‘निर्भया’मुळे तीन महिन्यांत 59 गुन्ह्यांची उकलरेल्वे प्रवासात महिला प्रवाशांना तत्काळ मदत मिळावी, घटनेचे फोटो, व्हिडीओ पाठवता यावेत यासाठी रेल्वे पोलिसांकडून (जीआरपी) ९८३३३१२२२२ हा निर्भया व्हॉट्सअॅप हेल्पलाइन नंबर सुरू करण्यात आला. यामध्ये तक्रारी, बेपत्ता प्रवासी यांची माहिती देण्यात येते. नंबर सुरू केल्यानंतर तीन महिन्यांत ५९ गुन्ह्यांची उकल करण्यात आली. अत्याचार, छेडछाड, ट्रेनच्या महिला डब्यातील हाणामारी यासह अन्य गुन्ह्यांची उकल करण्यात आली आहे.19,000 महिलांचा विनातिकीट प्रवासविनातिकीट प्रवासामुळे रेल्वेला मोठ्या नुकसानीला सामोरे जावे लागत आहे. अशा विनातिकीट प्रवाशांविरोधात रेल्वेकडून कारवाई केली जाते. मध्य रेल्वे मार्गावर २0१४ आणि २0१५ मध्ये एकूण १९ हजार ४५ विनातिकीट महिला प्रवाशांवर कारवाई करण्यात आली. त्यातून रेल्वेला ६0 लाख २ हजार रुपये उत्पन्न मिळाले.

औरंगाबाद : समोरच्या गर्दीला कुणाच्या तरी आगमनाची उत्कंठा लागली होती... ...

लोणार तालुक्यात अज्ञात तापाची साथ; मेहकर तालुक्यातील युवकांचा अज्ञात तापाने मृत्यू. ...

लोणार सरोवर अभयारण्य घोषित झाले असले तरी वृक्षतोड सर्रास सुरू; रानमेवा मिळणे दुरापास्त. ...

बुलडाणा जिल्हा परिषद मुख्य कार्यकारी अधिकारी यांची कारवाई. ...

भाजप, काँग्रेस आणि भारिप-बहुजन महासंघामध्येच तिहेरी लढतीचे संकेत. ...