Latest Marathi News

लखनौ - उत्तर प्रदेशमधील अलिगडमध्ये ठाणे मडराक परिसरातील कस्तुरबा गांधी बालिका विद्यालयातील एका शिक्षिकेवर गंभीर आरोप झाला आहे. या शिक्षिकेने वसतीगृहातील विद्यार्थिनींचे अनेकदा अश्लील व्हिडीओ बनवल्याचा आरोप करण्यात आला आहे. तसेच याबाबत कुटुंबीयांकडे तक्रार केल्यास कुटुंबीयांना खोट्या गुन्ह्यामध्ये अडकवले जाईल, अशी धमकी या शिक्षिकेने पीडित मुलींना दिली. दरम्यान, ही माहिती मुलींच्या नातेवाईकांना मिळाली तेव्हा गोंधळ झाला. सर्वजण एकत्र येऊन तक्रार करण्यासाठी वसतीगृहात पोहोचले. त्यानंतर तपास अधिकारीही वसतीगृहात दाखल झाले. मात्र आरोपी शिक्षिका तत्पूर्वीच तिचा मोबाईल घेऊन फरार झाली. आता ही शिक्षिका ते व्हिडीओ फोटो व्हायरल तर करणार नाही ना या भीतीने काही विद्यार्थिनींची प्रकृती बिघडली आहे. (Women Teacher makes pornographic videos of students)विद्यार्थिनींना तातडीने एका स्थानिक खासगी रुग्णालयात आणण्यात आले आहे. या प्रकाराची माहिती मिळताच काही वरिष्ठ अधिकारीही येथे दाखल झाले. त्यानंतर पीडित विद्यार्थिनींना सांगितले की, त्यांना विज्ञान शिकवणारी शिक्षिका रुबी राठोड हिने वसतीगृहात कपडे बदलत असतानाचे आंघोळ करतानाचे व्हिडीओ, फोटो तयार केले आहेत. या तक्रारीवर शिक्षिका रुबी राठोड, वॉर्डन आणि गेट-किपरविरुद्ध कारवाई करण्यात आली आहे. मात्र शिक्षिका रुबी राठोड ही फरार आहे.आता ही शिक्षिका काढलेले अश्लील फोटो आणि व्हिडीओ व्हायरल करणार तर नाही ना अशी भीती विद्यार्थिनींना सतावत आहे. तसेच वॉर्डनविरुद्ध केलेली कारवाई चुकीची आहे, असा दावाही विद्यार्थिनींनी केला आहे. वॉर्डननी तक्रार करण्यास मदतच केली होती. त्यामुळे त्यांना कामावर परत बोलावले पाहिजे, असे या विद्यार्थिनींनी म्हटले आहे. दरम्यान, मुलींच्या प्रकृतीबाबत समजताच रुग्णालयात पोहोचलेल्या नातेवाईकांनी गोंधळ घातला. तसेच आरोपी शिक्षिकेविरोधात कायदेशीर कारवाईची मागणी करत मडराह पोलीस ठाण्यात तक्रार दिली आहे. नातेवाईकांनी सांगितले की, मोबाईलमध्ये कसले फोटो आणि व्हिडिओ आहेत हे या शिक्षिकेलाच माहिती आहे. मात्र मुली ज्याप्रकारे घाबरलेल्या आहेत. ते पाहता शिक्षिकेने काही चुकीचे कृत्य करू नये अशी भीती पालकांना वाटत आहे. तर हॉस्पिटलमधील डॉक्टरांनी तिथे पोहोचलेल्या बीएसए सतेंद्र कुमार ढाका यांनी आता मुलींची तब्येत चांगली असल्याचे सांगत आरोपींविरोधात कारवाई करणार असल्याचे सांगितले आहे. बीएसए यांनी सांगितले की, जर त्यांच्यापर्यंत या गोष्टींबाबत तक्रार आली तर कारवाई केली जाईल. सध्या काही तक्रारींची दखल घेत कारवाई करण्यात आली आहे.

वायंगणीतील ग्रामसभेत वादळी चर्चा : शुभारंभाचा नारळ फोडणारे ‘लक्ष्य’ ...

रिझर्व्ह बँकेचा दणका : विलीनीकरणाच्या निर्णयासाठी आज बैठक ...

राजू दिंडोर्लेंचा उपक्रम : २०० ट्री गार्डचे लोकार्पण; १००० वृक्षलागवडीचा संकल्प ...