Latest Marathi News

DCM Eknath Shinde on ST Bus Fare Hike: राज्य मार्ग परिवहन महामंडळाने दिवाळी हंगामासाठी तिकीट दरामध्ये १० टक्के भाडेवाढ जाहीर केली आहे. १५ ऑक्टोबर ते ५ नोव्हेंबर या २० दिवसांसाठी भाडेवाढ लागू करण्यात आली. यामुळे एसटीच्या तिजोरीत सुमारे एक हजार ते ११०० कोटीचा महसूल जमा होणार असल्याचे सांगण्यात आले. मात्र या भाडेवाढीमुळे ग्रामीण भागातील एसटी प्रवाशांना मोठा फटका सहन करावा लागणार होता. त्यामुळे आता सरकारने एसटीची प्रस्तावित १० टक्के भाडेवाढ रद्द करण्याचा निर्णय घेतला आहे.दिवाळीच्या तोंडावर १० टक्के भाडेवाढीचा निर्णय एसटी महामंडळाने घेतला होता. दुसरीकडे अतिवृष्टी आणि पुरामुळे ग्रामीण भागात मोठ्या प्रमाणात नुकसान झालेले असताना एसटीच्या भाडेवाढीने सामान्यांना चिंतेत टाकलं होतं. राज्यातील नागरिकांचा एसटीचा लांब पल्याचा प्रवास ९० ते १०० रुपयांनी महागणार होतं. त्यामुळे ही भाडेवाढ रद्द करत असल्याची घोषणा उपमुख्यमंत्री एकनाथ शिंदे यांनी केली."पूरस्थितीच्या पार्श्वभूमीवर हा निर्णय घेत आहोत. परिवहनमंत्री प्रताप सरनाईक यांना मी यावेळी अपवाद केला पाहिजे असं सांगितलं. पूरपरस्थितीमुळे १० टक्के भाडेवाढ रद्द करावी असं मी त्यांना सांगितलं. त्यानुसार आता ते परिपत्रक काढत आहेत. त्यानंतर भाडेवाढ रद्द होईल आणि त्यामुळे लोकांना मोठा दिलासा मिळेल," असं एकनाथ शिंदे म्हणाले.दरम्यान, दिवाळी आणि उन्हाळी हंगामातील गर्दीतून उत्पन्न वाढीसाठी महामंडळ दरवर्षी हंगामी भाडेवाढ करते. गर्दीच्या हंगामात भाडेवाढ करण्याची एसटी महामंडळाला परवानगी आहे. त्यानुसार गर्दीच्या हंगामात तात्पुरुस्त्या स्वरूपाची भाडेवाढ केली जाते. ही वाद साध्या, विठाई, शिवशाही, निमआराम बसकरिता लागू करण्यात येणार होती. मुंबई-पुणे मार्गावर शिवनेरीकरिता भाडेवाढ लागू केली जाणार होती.यावर्षी धनत्रयोदशी १८ ऑक्टोबर रोजी आहे. दरम्यान, शाळांना सुट्टया लवकर पड़त असल्याने आणि काही दिवस आधीच प्रवासी संख्या वाढते. त्यामुळे जादा बसगाड्या १५ ऑक्टोबरपासून चालवण्यात येणार असल्याचे अधिकाऱ्यांनी सांगितले. यासह त्यांचा परतीचा प्रवास लक्षात घेऊन ५ नोव्हेंबरपर्यंत वाढीव बसगाड्या सुरू ठेवण्यात येणार त्यामुळे या काळासाठी भाडेवाढ लागू करण्यात येणार होता.

दोहामधील हमासची बैठक अमेरिकेच्या मध्यस्थीने युद्धविराम घडवून आणण्याच्या दृष्टीने अत्यंत महत्त्वाची होती. ...

गुजरातमध्ये पावसाच्या पाण्यात झालेल्या अपघातात पती पत्नीचा दुर्दैवी मृत्यू झाला. ...

छत्रपती संभाजीनगर जिल्ह्यातील सिल्लोडमध्ये नोकरी लावण्याच्या नावाखाली १५ बेरोजगार तरुणांची फसवणूक ...

कर्नाटकच्या राज्यपालांना केंद्रीय मंत्र्यांच्या नावाने फेक कॉल करण्यात आल्याचा प्रकार समोर आला आहे. ...

दरम्यान, आता नेपाळच्या सामाजिक आणि धार्मिक संरचनेसंदर्भातही चर्चा होताना दिसत आहे... ...

एका तरुणाने तब्बल १० वर्ष आपल्या गर्लफ्रेंडला धोका दिला. यासाठी त्याने काय काय केलं हे ऐकून चक्रवाल! ...

Right Way To Make Perfect Tea : घरी केलेला चहा परफेक्ट होत नाही कधी पांचट लागतो तर कधी त्यात साखरच जास्त होते असं अनेकांचं मत असतं. ...

Nepal Protest: आंदोलकांनी माजी पंतप्रधानांच्या पत्नीला बेदम मारहाण करत घराला आग लावली. ...