Latest Marathi News

जम्मू-काश्मीरला पुन्हा राज्याचा दर्जा मिळवून देणारजम्मू : काश्मीरला पुन्हा राज्याचा दर्जा मिळवून देण्याचा निर्धार काँग्रेसचे माजी नेते गुलाम नबी आझाद यांनी केला आहे. काश्मिरी पंडितांना पुन्हा काश्मीरच्या खोऱ्यात आणून त्यांचे पुर्नवसन करणे, नागरिकांच्या जमीन व नोकरीविषयक हक्कांचे रक्षण ही कामे आझाद हाती घेणार आहेत. आझाद नवीन पक्ष स्थापन करणार असून, अद्याप त्याचे नाव ठरविलेले नाही. काँग्रेसला सोडचिठ्ठी दिल्यानंतर गुलाम नबी आझाद यांनी घेतलेली ही पहिलीच जाहीर सभा होती. या सभेत आझाद म्हणाले की, जनतेशी तसेच जन्मू-काश्मीरमधील नेत्यांशी चर्चा करून माझ्या नव्या पक्षाचे नाव ठरविणार आहे. हे नाव मौलानांच्या उर्दूमधील किंवा पंडिकांच्या संस्कृतमधील नसेल असेही त्यांनी आवर्जून सांगितले. सभेत व्यासपीठावर माजी उपमुख्यमंत्री ताराचंद, काही माजी मंत्री, पीडीपीचे माजी आमदार सईद बशीर, अपनी पार्टीचे नेते शोएब नबी लोन आदी मान्यवर उपस्थित होते. काश्मीरची जनता ठरविणार पक्षाचे नाव -- गुलाम नबी आझाद म्हणाले की, माझ्या नव्या पक्षाबद्दल दिल्लीत बसून मी आदेश काढणार नाही. जम्मू-काश्मीरचे नेते व जनतेशी संवाद साधून मी नव्या पक्षाची ध्येयधोरणे व नाव नक्की करणार आहे. - माझ्या पक्षाचे नाव अतिशय सोपे असेल. जम्मू-काश्मीरच्या मोठ्या प्रमाणावर विकास करण्यासाठी लोकांनी आमच्या पक्षाला पाठिंबा द्यावा, असे आवाहन गुलाम नबी आझाद यांनी केले.‘बाहेरच्या लोकांना काश्मीरमध्ये नोकऱ्या देऊ नका’ -काँग्रेसला सोडचिठ्ठी दिलेले नेते गुलाम नबी आझाद यांनी सांगितले की, अन्य राज्यांतील लोकांना जम्मू-काश्मीरमध्ये जमिनी विकत घेण्याची परवानगी नाकारली पाहिजे तसेच त्यांना काश्मीरमध्ये नोकऱ्याही देऊ नयेत. मुळात जम्मू-काश्मीरमध्ये अशा कितीशा नोकऱ्या उपलब्ध आहेत, असा सवाल गुलाम नबी आझाद यांनी केला.

मुलाखतीत बाळासाहेबांना त्याकाळी अटक करण्यात आलेल्या कृत्यावर मोठा खुलासा केला आहे. ...

फक्त मोठमोठ्या विकासाचे दावे करणारी जाहिरातबाजी, आमिष यांना आता इथला सुज्ञ मतदार बळी पडणार नाही. ...

स्मार्टफोनवर सिनेमा शूट करण्याच्या भन्नाट अनुभवाबद्दल सांगताहेत प्रसिद्ध दिग्दर्शक सचिन कुंड... ...

दादागिरी आणि दहशत विरोधकांचे कार्यकर्ते करत आहे. ...

मुख्यमंत्र्यांना स्वत:च्या जिल्ह्यातील गुन्हेगारीला आळा घालता आला नाही, ही शोकांतिकाच म्हणावी लागेल.’’ ...

रेल्वे प्रशासनाने 13 ते 22 ऑक्टोबर दरम्यान 30 रेल्वे रद्द करण्याचा निर्णय घेतला आहे. ...

जड अवजड वाहनांच्या बेशिस्तीमुळे मागील नऊ महिन्यांत तब्बल ३३ जणांना आपले प्राण गमवावे लागले... ...