Latest Marathi News

औरंगाबाद : दवाखान्यात दाखल असलेल्या आजारी वडिलांना पाहण्यासाठी येण्याचा मैत्रिणीचा आग्रह त्याला अस्वस्थ करत होता. बहीण, भाची, लहान भाऊ असा गोतावळा घेऊन तो जीपने दवाखान्यात गेला. दवाखान्यात मित्रासोबत आलेला लवाजमा पाहून मैत्रिणीचे डोके फिरले अन् तिने आरडाओरड करीत त्याच्यावर छेडछाड करत असल्याचा आरोप केला. पोलिसांनी त्याला पकडले अन् कोठडीत डांबले. मैत्रीच्या नात्याला काळिमा फासणारी ही घटना आज हेडगेवार हॉस्पिटलमध्ये घडली. शहरापासून जवळ असलेल्या एका तालुक्याच्या ठिकाणची सज्ञान तरुणी काही दिवसांपूर्वी नेवासे येथे शिक्षणासाठी गेली होती. तेथे वर्गमित्र रेहान दादाभाई पठाण (२६) या तरुणासोबत तिची मैत्री जुळली. रोज एकमेकाला भेटणे, मोबाईलवर सतत बो लत राहणे, एसएमएस करणे हे प्रकार सुरू झाले. दोघांनी लग्न करण्याची शपथ घेतली होती. तिचे शिक्षण संपले आणि ती परत येथे आली. तिचे वडील आजारी पडले. त्यांना हेडगेवार हॉस्पिटलमध्ये दाखल करण्यात आले. रेहान व त्याच्या मैत्रिणीचे मोबाईलवर रोज संभाषण सुरू होते. तो आज आपली मोठी बहीण, मोठी भाची, दोन भाऊ असा गोतावळा जीपमध्ये घेऊन येथे आला. दवाखान्यात रेहान हा नातेवाईकांसोबत आल्याचे पाहून तिचे डोके फिरले. ती रेहानला घेऊन दवाखान्याबाहेर आली. दोघांची शाब्दिक बाचाबाची झाली आणि तिने आरडाओरड करत लोकांना जमा केले. त्याच्यावर छेडछाड आणि विनयभंगाचे आरोप केले. जवाहरनगर ठाण्याचे पोलीसही तात्काळ तेथे आले. त्यांनी रेहानला पकडून ठाण्यात नेऊन कोठडीत बंद केले.

राज ठाकरेंनी कल्याण, भिवंडीतील सभेत सांगितली घटना ...

Maharashtra Election 2019: यावेळी बोलताना नरेंद्र मोदी म्हणाले की, जळगावात अभूतपूर्व सभा झाली. ...

चिखलीमधील सैलानीनगरजवळची घटना ...