Latest Marathi News

Eknath Shinde in DPDC Meeting: ठाण्यातल्या रस्त्याच्या कामावरुन आणि वाहतूक कोंडीवरुन नागरिक गेल्या काही दिवसांपासून चांगलेच आक्रमक झाल्याचे पाहायला मिळत आहे. याच मुद्द्यावरुन ठाणे जिल्हा नियोजन बैठकीत आज उपमुख्यमंत्री एकनाथ शिंदे हे चांगलेच संतापल्याचे पाहायला मिळाले. वाहतूक कोंडीमुळे स्थानिक आमदार चांगलेच आक्रमक झाले होते. त्यामुळे एकनाथ शिंदे यांनी संबंधित अधिकाऱ्यांची चांगलीच खरडपट्टी काढली. आठ महिन्यांनी झालेल्या या बैठकीत एकनाथ शिंदे यांनी अधिकाऱ्यांना फैलावर घेतलं होतं. ठाण्यातील वाहतूक कोंडी सोडवण्यासाठी एक समिती गठीत करा अशा सूचना एकनाथ शिंदे यांनी यावेळी दिली.उपमुख्यमंत्री एकनाथ शिंदे यांच्या अध्यक्षतेखाली ठाणे जिल्हा नियोजन समितीची बैठक पार पडली. या बैठकीत ठाणे आणि आजूबाजूच्या परिसरातील वाहतूक कोंडीचा मुद्दा सर्वाधिक गाजला. या बैठकीला उपमुख्यमंत्री एकनाथ शिंदे, खासदार श्रीकांत शिंदे, मंत्री प्रताप सरनाईक, आमदार नरेश म्हस्के, बाळ्या मामा म्हात्रे, किसन कथोरे, संजय केळकर यांच्यासह अधिकारी उपस्थित होते. यावेळी एकनाथ शिंदे यांनी वाहतूक कोंडीवरुन आणि रस्त्यांच्या कामावरुन अधिकाऱ्यांनी झापलं. तसेच एका अधिकाऱ्याच्या निलंबनाचेही आदेश एकनाथ शिंदे यांनी यावेळी दिले.यावेळी एकनाथ शिंदे अधिक्षक अभियंत्यांना रस्त्याच्या कामावरुन कारवाईचा इशारा दिला. "तुम्ही कामाच्या ठिकाणी कधी गेला आहात का, तिथे जाऊन काय करता. काम होत असताना ते चांगल्या दर्जाचे होत आहे की नाही हे पाहणे तुमची जबाबदारी आहे. एवढा समृद्धी मार्ग झाला पण वडपा ते कापूर बावडी मार्ग का होत नाही. काम करत असताना तुमचं तिथे लक्ष हवं. काम खराब झाल्याबद्दल सांगायला हवं. तो डोंगरे कोण आहे त्याला पूर्णपणे मी आज मी निलंबित करतो. तुम्ही जर काम करून नाही घेतलं तर तुमच्यावरही कारवाई होईल," असा इशारा एकनाथ शिंदे यांनी दिला."परवा मंत्री छगन भुजबळ यांनी हा विषय मंत्रिमंडळ बैठकीत घेतला होता. मला त्यांनी स्पष्टपणे सांगितले की शिंदे साहेब तुम्ही यातून मार्ग काढा. वेळेवरच सगळ्या गोष्टी करून घेण्याचं काम आपल्या विभागाचं आहे. एमएसआरडीसी डिपार्टमेंट आपल्याकडेच आहे. तुम्ही असे नाव खराब करायला लागले तर कसं काय करणार. लोकांना काय सांगणार," असेही एकनाथ शिंदे म्हणाले. "ठाणे शहराकरीता स्वतंत्र धरणाचे नियोजन सुरू आहे. त्यासाठी जमीन अधिग्रहण करीता पैसेही दिलेत, मग काम का थांबले? अशी विचारणा करून फटाफट कामे मार्गी लावा. तसेच काळू धरणाकरीता आपण किती वर्षे प्रयत्न करतोय. त्याचे काम संथ गतीने का सुरू आहे. टाईमबॅान्ड घेऊन काम पूर्ण करा," असे एकनाथ शिंदे म्हणाले.

सामाजिक सलोखा टिकवण्यावर भर; उपसमितीकडून कोणावरही अन्याय होणार नाही ...

या सभेत एक सभासद तरुण मद्यप्राशन करून आला होता. मंदधुंद अवस्थेत हा तरुण संचालकांना प्रश्न विचारत होता. ...

शहरातील मोठ्या गणेश मंडळांचे विसर्जन तापी नदीपात्रात उशिरापर्यंत होत असते. ...

जर नीट झोप पूर्ण झाली नाही तर संपूर्ण दिवस आळस असतो. ...

अरुण गवळीला गीता आणि योगिता या दोन मुली आहेत. पण, डॅडीचा जावई कोण आहे हे तुम्हाला माहितीये का? ...

UP: सध्या पोलिस या प्रकरणाचा तपास करत आहेत. ...

Hyundai GST Rate cut price in Car: ह्युंदाईच्या ताफ्यातील सर्व कारवर ६० हजार ते २.४० लाख रुपयांपर्यंत जीएसटी कपात होणार आहे. ...

रविवारी सुट्टी असल्याने दुसऱ्या दिवशी ही गणेश विसर्जन पाहण्यासाठी नागरिकांची गर्दी ...