Latest Marathi News

२००७ साली सुपरहिट झालेला 'तारे जमीन पर' सिनेमा अनेकांना आजही आवडतो. याच सिनेमाचा स्पिरिच्युअल सीक्वल असलेल्या आगामी 'सितारे जमीन पर' सिनेमाची (sitaare zameen par) आज अधिकृत घोषणा झाली आहे. आमिर खानच्या (aamir khan) आगामी सिनेमाचं पहिलं पोस्टर आज चाहत्यांच्या भेटीला आलं आहे. विशेष म्हणजे या सिनेमात अभिनेत्री जिनिलीया देशमुख (genelia deshmukh) आमिर खानसोबत झळकणार आहे. काय आहे या सिनेमाची रिलीज डेट? जाणून घ्या.'सितारे जमीन पर' या तारखेला होणार रिलीजआज नुकतंच सोशल मीडियाच्या माध्यमातून 'सितारे जमीन पर' सिनेमाचं पहिलं अधिकृत पोस्टर आज रिलीज झालं आहे. या पोस्टरमध्ये आमिर खान स्टायलिश लूकमध्ये दिसत असून त्याच्यासोबत दिव्यांग मुलं पाहायला मिळत आहेत. या सिनेमात जिनिलीया देशमुख सुद्धा असणार आहे. परंतु तिच्या भूमिकेचा उलगडा अद्याप पोस्टरमधून झाला नाहीये. हा सिनेमा २० जूनला थिएटरमध्ये रिलीज होणार आहे. 'तारे जमीन पर'प्रमाणे 'सितारे जमीन पर' सिनेमाही एका संवेदनशील विषयावरील सिनेमा असून प्रेक्षकांना हा सिनेमा भावुक करेल यात शंका नाही.२० कलाकारांचं या सिनेमातून पदार्पण'सितारे जमीन पर'च्या पोस्टरमध्ये आमिर खानसोबत १० नवीन चेहरे पाहायला मिळत आहेत. अरूष दत्ता, गोपी कृष्ण वर्मा, सम्वित देसाई, वेदांत शर्मा, आयुष भंसाली, आशीष पेंडसे, ऋषि शाहानी, ऋषभ जैन, नमन मिश्रा आणि सिमरन मंगेशकर हे दहा कलाकार या सिनेमातून पदार्पण करणार आहेत. या सिनेमाचं दिग्दर्शन आर.एस. प्रसन्ना यांनी केलं आहे. आमिर खान प्रॉडक्शन, रवी भागचंदका यांनी या सिनेमाची निर्मिती केली आहे. पोस्टरपासूनच हा सिनेमा पाहण्याची उत्सुकता शिगेला पोहोचली आहे.

इथं जाणून घेऊया हैदराबादच्या ताफ्यातील लयीत दिसणाऱ्या गोलंदाजाच्या कामगिरीवर एक नजर ...

HSC Exam Result 2025: आज बारावीच्या परीक्षेचा निकाल जाहीर झाला आहे. ...

मिरज तालुक्यातील म्हैसाळ येथे झालेल्या सिलिंडरच्या स्फोटात तीनजण जखमी झाले आहेत. ...

लाल किल्ला परत करण्याची याचिका करणाऱ्या सुलताना बेगम यांना सुप्रीम कोर्टाने फटकारले आहे. ...

चोरट्यांनी काही वेळातच ऑनलाइन ट्रॅन्झेक्शन करून आणि एटीएममधून रोख रक्कम लाखो रुपये लंपास केले ...