Latest Marathi News

मुंबई : पश्चिम रेल्वेच्या महालक्ष्मी रेल्वे स्थानकाजवळील शक्ती मिलच्या शेजारी रेसकोर्सच्या समोरील २.६७ एकरचा रिकामा भूखंड खासगी विकासकाला देण्यात येणार आहे.या भूखंडासाठी आतापर्यंतची सर्वाधिक बोली लागली आहे. लिलावात अनेक प्रमुख रिअल इस्टेट डेव्हलपर्सनी सहभाग घेतला. दिनेशचंद्र आर अग्रवाल इन्फ्रॅकॉन प्रायव्हेट लिमिटेडने २,२५० कोटी रुपयांची सर्वाधिक बोली लावली. शोभा रिअल्टीने १,२३२ कोटी रुपयांची बोली लावली, तर लोढा ग्रुपने १,१६१ कोटी रुपयांची बोली लावली. रेल्वे भूमी विकास प्राधिकरणाने (आरएलडीए) मुंबईतील महालक्ष्मी, वांद्रे आणि परळ येथील रेल्वेच्या भूखंडांचा ९९ वर्षांसाठी भाडेतत्त्वावर विकास करण्याचा निर्णय घेतला आहे. यासाठी सप्टेंबर महिन्यात पार पडलेल्या बैठकीत ११० विकासकांनी सहभाग घेतला होता. अधिकाऱ्यांनी दिलेल्या माहितीनुसार महालक्ष्मीच्या भूखंडावर कमर्शियल आणि गृह संकुल उभारण्यासाठी सर्वाधिक विकासकांची पसंती होती. राखीव किंमत ९९३.३० कोटी होती निश्चितमहालक्ष्मी भूखंडाची राखीव किंमत ९९३.३० कोटी रुपये निश्चित केली होती. या जागेचा परवानगीयोग्य फ्लोअर स्पेस इंडेक्स (एफएसआय) ४.०५ आहे.बोली लागल्या असल्या तरी प्रस्तावाच्या तांत्रिक आणि आर्थिक व्यवहार्यतेचे तपशीलवार मूल्यांकन केल्यानंतरच विकासकाची अंतिम निवड केली जाणार आहे.या सुविधा मिळणाररेल्वे भूमी विकास प्राधिकरणाने ग्रँट रोड, ताडदेव, परळ, वांद्रे पूर्व आणि पश्चिम, महालक्ष्मी आणि कर्नाक बंदर यासह इतर ठिकाणी ११०.४६ हेक्टर जागेचा विकास करण्याचा विचार केला आहे.परळ येथे एक १३५ मजली प्रस्तावित गगनचुंबी इमारत आहे. या ठिकाणी प्रीमियम हाऊसिंग, हाय-एंड हॉटेल्स, मनोरंजन पार्क्स, ऑफिस स्पेस, मल्टीमॉडल पार्क्स, स्टोरेज सारख्या सुविधा असणार आहेत.अतिक्रमणे हटवावी लागणारदेशभरात भारतीय रेल्वेच्या विविध ठिकाणी रिकाम्या जागा आहेत. यापैकी अनेक जागांवर अतिक्रमण आहे. रेल्वेला अतिक्रमण हटविण्यासाठी अनेक अडचणींचा सामना करावा लागतो. त्यामुळे रेल्वेने उत्पन्न वाढीसाठी रिकाम्या जागा खासगी विकासकाला देण्याचा निर्णय घेतला आहे.

मंत्रीमंडळ विस्ताराच्या आधी मी आणि अतुल सावे मुख्यमंत्री एकनाथ शिंदेंकडे गेलो होतो. ...

शिवसेनेचे खासदार विनायक राऊत यांनी केंद्र सरकारवर आणि राज्य सरकारवर टीका केली आहे. ...

सर्वाधिक मृत्यू ठाणे व पुण्यात ...

Lottery News : ही महिला अमेरिकेतील मिशिगन राज्यातील लिनावी काउंटीची असून तिचे वय जवळपास 67 आहे. ...

जिल्ह्यात एमपीएससी पूर्व परीक्षा सुरळीत ...

Eknath Shinde: गुलाबराव पाटील यांनी शिवसेना नेत्यांवर टिका करताना एकनाथ खडसेंचं उदाहरण दिलं होतं ...

यामुळे विद्यापीठाला आता २०० हून अधिक प्राध्यापक मिळण्याची शक्यता आहे ...