Latest Marathi News

विजय मुंडे , उस्मानाबादकिरायाच्या खोलीत राहून संसार हाकताना अनेक अडचणी आल्या़ मात्र, मुलांच्या शिक्षणासाठी कोणतीही अडचण येऊ नये, याची काळजी घेतली़ मुलीनं आज माझ्या कष्टाचं सोनं केलं आहे़ तिच्या पुढील स्वप्नांना पूर्ण करण्यासाठी मी रात्रदिवस एक करीन अशा भावना खंडू गुमटे यांनी व्यक्त केल्या़ गुमटे यांची मुलगी अमृता हिने दहावीच्या परीक्षेत ७९़४० टक्के गुण घेऊन धाराशिव प्रशालेत प्रथम क्रमांक पटकाविला आहे़शहरातील इंगळे गल्लीत एका किरायाच्या खोलीत राहणारे खंडू गुमटे हे सुतारकाम करतात़ रहायला स्वत:चे घर नसल्याने मिळेल तेथे जावून ते काम करतात़ पत्नी कमल या गृहिणी आहेत़ गुमटे दाम्पत्यासमोर अडचणींचा मोठा डोंगर ! तरीपरंतु मुलांनी चांगले दिवस पहावेत, त्यांचे जीवन शिक्षणाने फुलावे यासाठी खंडु गुमटे यांनी अहोरात्र कष्ट केले त्यांच्या कष्टाला त्यांच्या पत्नी कमल यांचीही साथ मिळाली़ मोठा मुलगा नवनाथ हा एमकॉम करीत असून, लहान मुलगा बारावी उत्तीर्ण होऊन डिप्लोमा करीत आहे़ मुलांना शिक्षण देत असताना लहान मुलगी अमृता हिच्या शिक्षणाकडेही त्यांनी जातीने लक्ष दिले़ मुलीनेही दिवसातून आठ ते दहा तास अभ्यास करून दहावीच्या परीक्षा दिल्या़ मंगळवारी दुपारी परीक्षेचा निकाल लागला आणि आई-वडिलांच्या आनंदाला पारावार उरला नाही़ आई-वडिलांनी मुलीनं कष्टाचं सोनं केल्याची भावना ‘लोकमत’कडे व्यक्त केली़स्वप्नपूर्तीसाठी प्रयत्नशीलदहावीत चांगले मार्क मिळाल्याने मी आनंदात आहे़ अकरावीत वाणिज्य शाखेत प्रवेश घेणार असून, पुढे एमकॉम करून प्राध्यापीका होणार आहे़ मी गरिब घरातील मुलगी असल्याने गरिबांच्या अडचणी मला माहिती आहेत़ त्यामुळे गोरगरीब घरातील विद्यार्थ्यांना चांगले शिक्षण देण्याचा माझा मानस असून, त्यासाठी मी प्राध्यापिका होण्याचा संकल्प केल्याचे अमृता गुमटे या विद्यार्थीनीने सांगितले़मैैत्रीच्या धाग्यातून मिळाला शिक्षणाला आधारमारूती कदम ल्ल उमरगाआई-वडिलांचे हरवलेले छत्ऱ़़ आजी-आजोबांचे थकलेले हात़़़ घरची आर्थिक परिस्थिती या सर्वांवर मात करीत येथील प्रीती जाधव या जिद्दी मुलीने दहावीच्या परिक्षेत ८२ टक्के गुण संपादित केले आहेत़ शाळेतील मैैत्रिणींनी तिला वेळोवेळी केलेली मदत आणि शिक्षणासाठी प्रवृत्त केल्यानेच हे यश मिळाल्याचे प्रीती सांगते़उमरगा शहरातील आरोग्य नगर भागात वास्तव्यास असलेल्या प्रीती किसन जाधव हिच्या शिक्षणाची कहानी ह्दयद्रावक आहे़ प्रीतीच्या वयाच्या दहाव्या वर्षी आई शकुंतला यांचे निधन झाले़ शिक्षक असलेले वडील किसनराव जाधव यांनी प्रीतीला शिक्षणाचे महत्त्व पटवून दिले़ मात्र, वडिलांचेही गतवर्षी आजाराने निधन झाले़ आई-वडिलांचे डोक्यावर छत्र हरवल्याने आजी-आजोबांचा तिला आधार मिळाला़ मोठी बहीण उमा हिचा विवाह झालेला़ मधली बहीण दीपाली हिने परिस्थितीवर मात करून डी़एड्चे शिक्षण घेतले आहे़ तर भाऊ प्रताप याच्याही शिक्षण, पालनाची जबाबदारी आजी-आजोबांसह दोन बहिणींवर येऊन पडली आहे़ घरातील काम आणि आर्थिक परिस्थितीमुळे प्रिती हिने शिक्षण सोडून दिले होते़ मात्र, तिच्या मैैत्रीणी सौम्या तडोळगे, रेणुका मोरे, सायली माणिकवार, श्रध्दा पाटील यांनी तिला शिक्षणासाठी प्रवृत्त करून वेळोवेळी अपेक्षित मदत केली़ त्यामुळे प्रीती हिनेही मैैत्रीचा धागा पकडून दहावीतील यशासाठी कठोर मेहनत घेतली़ खासगी शिकवणीची वाढती स्पर्धा आणि वर्गातील सहकाऱ्यांनी लावलेली शिकवणी पाहता मनात इच्छा असतानाही तिला शिकवणी लावता येत नव्हती़ तिच्या मैैत्रिणी तडोळगे, मोटे, माणिकवार, पाटील यांनी ही बाब हेरून वर्गणी गोळा करून तिस शिकवणी लावण्याचा निर्णय घेतला़ येथील मुगळे बंधूंनीही तिस विनाशुल्क मार्गदर्शन केले़ आजी-आजोबांचे प्रयत्न, बहिणींसह मैैत्रिणींकडून मिळालेल्या प्रोत्साहनामुळे प्रीतीने दहावीच्या परीक्षेत ८२ टक्के गुण संपादीत केले आहेत़ पुढे शिक्षण घेण्याची तिची इच्छा असली तरी आर्थिक परिस्थिती आडवी येत आहे़ त्यामुळे तिच्या शिक्षणाची जबाबदारी उचलण्यासाठी सामाजिक संघटनांनी पुढाकार घेण्याची गरज आहे़

केवळ मागणी करून विरोधक शांत झाल्याने सर्वांच्याच भुवया उंचावल्याचे चित्र होते. ...

केंद्रीय समाजकल्याण मंत्री रामदास आठवले यांनी तुनीषाच्या घरी येऊन तिच्या आईची भेट घेतली. ...

Vikas Sawant : बिग बॉसच्या घरातून बाहेर पडल्यानंतर विकास सावंत बाहेर पडल्यानंतर त्याला लॉटरी लागली ...

मोलकरीण म्हणते, लग्नाची सुरु होती तयारी ...

पोलिसांनी हॉटेल्स, लॉजचीही तपासणी सुरू केली आहे. ...

बेकायदा जमाव केल्याप्रकरणी पोलिसांची कारवाई ...