Latest Marathi News

मुंबई : हिमालयात झालेल्या बर्फवृष्टीचा परिणाम म्हणून उत्तर महाराष्ट्र आणि मुंबईसोबत आसपासचा परिसर गारठला असून रविवारी मुंबईचे किमान तापमान १९ अंश सेल्सिअस एवढे नोंदविण्यात आले. चालू मोसमातील आतापर्यंतचा हा किमान तापमानाचा पहिला नीचांक असून उत्तर भारतातून दक्षिण भारताकडे वाहणाऱ्या शीत वाऱ्यामुळे येत्या शुक्रवारपर्यंत किमान तापमानाचा पारा खाली राहण्याची शक्यता आहे. त्यामुळे आठवडाभर मुंबईकरांना थंडीचा फील घेता येणार आहे.पावसाळ्याचे चार महिने संपल्यानंतर ऑक्टोबर महिन्यात देखील अवकाळी पावसाचा मारा कायम राहिला. बंगालच्या उपसागरात निर्माण झालेले चक्रीवादळ आणि अरबी समुद्रात निर्माण झालेल्या कमी दाबाच्या क्षेत्रामुळे मुंबई व राज्यभरात पाऊस पडला. त्यामुळे नागरिकांना ऑक्टोबर हिटचा तडाखा बसला नाही. हिमवृष्टीमुळे महाराष्ट्रातील तापमानात घटसंपूर्ण ऑक्टोबर पावसात निघून गेला असतानाच आता नोव्हेंबर महिन्याच्या दुसऱ्या आठवड्यापासून नागरिकांना सुखद गारव्याचा अनुभव येत आहे. चार दिवसांपूर्वी हिमालयात झालेल्या बर्फवृष्टीमुळे उत्तर भारतातून दक्षिण भारताकडे शीत वारे वाहू लागले आहेत. या शीत वाऱ्यामुळे उत्तर महाराष्ट्र, मध्य महाराष्ट्र आणि मुंबई सोबत आसपासच्या परिसरातील किमान तापमानाचा पारा खाली घसरला आहे.मुंबईचे तापमान १९ अंश सेल्सिअसवररविवारी सकाळी मुंबईचे किमान तापमान १९ अंश सेल्सिअस नोंदविण्यात आले. हा संपूर्ण आठवडा याच पद्धतीने किमान तापमानाचा पारा खाली राहील, अशी माहिती हवामान अभ्यासकांनी दिली. किमान तापमानाचा पारा खाली घसरल्याने मुंबईकरांचा रविवार गारेगार झाला होता. रात्री सोबत दिवसादेखील मुंबईकरांना थंडीचा फील येत असल्याचे चित्र होते. थंडीची लाट येणारज्येष्ठ हवामान शास्त्रज्ञ कृष्णानंद होसाळीकर यांनी सांगितले की, मध्य प्रदेश आणि आसपासच्या भागात थंडीची लाट येण्याची शक्यता आहे. त्यामुळे पुढील चार ते पाच दिवस उत्तर मध्य महाराष्ट्रात तापमान आणखी खाली जाईल. रात्रीचे तापमान दोन ते चार अंशांनी खाली राहण्याची शक्यता आहे. हवामान अभ्यासक अथ्रेय शेटटी यांच्या म्हणण्यानुसार, राज्यातील बहुतांशी शहरांचे किमान तापमान १५ ते १८ अंशाच्या आसपास नोंदविण्यात येत आहे. मुंबई १९ वर उतरली आहे. तापमानात आणखी घट होण्याची शक्यता असून, शुक्रवारपर्यंत नागरिकांना गारेगार थंडीचा आनंद लुटता येईल. त्यानंतर मात्र तापमानात हलकशी वाढ होईल. मात्र तरिही गारवा कायम राहील.धुळे, नंदुरबार, जळगाव, नाशिक, छ. संभाजी नगर व उत्तर अहिल्या नगर या सहा जिल्ह्यांत सरासरीपेक्षा २ ते ४ डिग्रीने तर विदर्भात २ डिग्रीने किमान तापमान खाली येईल. सप्ताहभर म्हणजे शनिवारपर्यंत चांगल्या थंडीची शक्यता आहे, असे हवामान तज्ज्ञ माणिकराव खुळे यांनी सांगितले. किमान तापमान अंश सेल्सिअसमध्येजळगाव १०.५परभणी १३.६नंदुरबार १६.२नांदेड १५.१धाराशिव १५सोलापूर १५.६अहिल्यानगर १२.५मालेगाव १४माथेरान १७.४सांगली १६.९मुंबई १९.६नाशिक १२.५ठाणे २३पुणे १४.३सातारा १४.५महाबळेश्वर १२.८छत्रपती संभाजीनगर १२.८बीड ११.८

महत्वाचे म्हणजे, टाटाने ही मॉडेल्स "न्यू डिजिटल डिझाइन लँग्वेज"वर तयार केलेली आहेत. ...

Shivam Mavi: शिवम मावीने पदार्पणाच्या सामन्यातच 4 बळी घेऊन सामना अविस्मरणीय केला. ...

विजेची समस्या निर्माण झाल्यास याला सर्वस्वी शासन जबाबदार राहणार असल्याचे संपकऱ्याचे म्हणणे आहे. ...

हा रस्ता ‘बांधा, वापरा आणि हस्तांतरित करा’ (बीओटी)प्रमाणे नसेल. शासनाच्या निधीतून काम पूर्ण केले जाणार ...

पोलिसांनी आत्महत्येस प्रवृत्त केल्याचा मृताच्या वडिलांचा आरोप ...