Latest Marathi News

-मारोती चिलपिपरे कंधार ( नांदेड ) : ताडकळस ते पालम रस्त्यावर धानोरा काळे गावाजवळ सोमवारी (दि. ३) सकाळी ११ वाजता कार आणि थार जीपचा समोरासमोर धडकून भीषण अपघात झाला. या अपघातात भाचा जागीच ठार तर मामाचा आज, मंगळवारी उपचारादरम्यान मृत्यू झाला. ॲड. अभिजीत रामदास राठोड (३२) आणि राहुल आविनाश पवार (४१) अशी मृतांची नावे असून ते नात्याने मामाभाचे होते.ताडकळस-पालम रस्त्यावरील धानोरा काळे गावाजवळ थार ( एमएच. २६ सीई ११६२) आणि कार ( एमएच. २२ ए.एम. ९६३२ ) या दोन वाहनांचा सोमवारी सकाळी समोरासमोर धडकून अपघात झाला. या अपघातात थार जीपमधील राहुल पवार आणि अभिजित राठोड हे दोघे मामा भाचे गंभीर जखमी झाले. इतर वाहनधारकांच्या मदतीने शेजारील शेतकऱ्यांनी अपघातस्थळी धाव घेऊन जखमींना बाहेर काढले. त्यानंतर, जखमींना ताडकळस येथील प्राथमिक आरोग्य केंद्रात प्राथमिक उपचार करून पुढील उपचारासाठी परभणी येथील रुग्णालयात पाठविण्यात आले. दरम्यान, या रुग्णालयात डॉक्टरांनी भाचा ॲड. अभिजीत रामदास राठोड (३२) यास तपासून मयत घोषित केले, तर राहुल आविनाश पवार (४१) हे गंभीर जखमी झाल्याने त्यांना पुढील उपचारासाठी छत्रपती संभाजीनगर येथे हलवण्यात आले होते. मात्र, आज, उपचारादरम्यान मामा राहुल अविनाश पवार यांचा देखील मृत्यू झाल्याची माहिती त्यांच्या नातेवाईकाने दिली.सोमवारी मुखेड तालुक्यातील मंगळ तांडा येथे भाचा ॲड. अभिजीत राठोड यांच्यावर अंत्यसंस्कार करण्यात आला. तर मंगळवारी मामा राहुल पवार यांच्यावर कंधार तालुक्यातील रामा नाईक तांडा यांच्या मूळगावी सायंकाळी अंत्यसंस्कार करण्यात येणार असल्याची माहिती नातेवाईकाने दिली. राहुल पवार हे माताेश्री सावित्रीबाई शिक्षण प्रसारक मंडळ रामानाईक तांङा ता. कंधार संचलित, माध्यमिक आश्रम शाळा रामनगर ता. माजलगाव जि. बीड या संस्थेचे सचिव होते.

वाहनधारकांना आता केंद्रीय मंत्री नितीन गडकरी यांनी मोठा दिलासा दिला आहे. ...

गावकऱ्यांनी केला जल्लोष, ग्रामपंचायत कार्यालयात तिघींचा सत्कार करण्यात आला ...

पोलिसांना गेल्या आठवड्यात पहिला मृतदेह सापडला होता. यानंतर त्यांनी उर्वरित मृतदेह शोधण्याची मोहीम सुरू केली. ...

या दोन वर्षांच्या शिष्यवृत्ती योजनेसाठी 33 कोटी 25 लाख रुपयांची तरतूदही करण्यात आलेली आहे. ...

नवीन ई-शिवाई बसला पहिल्या शिवाई बस पेक्षा पूर्णपणे नवा लूक देण्यात आला ...

पुणे महापालिका पर्यावरण टिकविण्यासाठी गंभीर नाही ...

यासाठी विकासाचे प्रमुख केंद्र म्हणून प्रत्येक जिल्ह्याला सक्षम करण्यात येणार आहे. ...