Latest Marathi News

काशिनाथ वाघमारे, सोलापूर : माढा तालुक्यात मोडनिंबजवळ जाधववाडी येथे शोभेची दारु बनवत असताना कारखान्यात अचानक स्फोट होऊन शनिवारी दुपारी ३८ वर्षीय दत्तात्रय बिनगे (रा. मोडनिंब, ता. माढा) हा तरुण भाजून गंभीर जखमी झाला होता. मृत्यूशी झुंज देत असताना रविवारी पहाटे त्याचा मृत्यू झाला. पोलीस सूत्राकडील माहितीनुसार शनिवारी दुपारी १२ वाजता मोडनिंब जवळील जाधववाडी शिवारात मधुकर बिनगे यांच्या व द्राक्ष बागे लगत एका दहा बाय बारा आकाराच्या पत्रा शेडमध्ये स्फोटक पदार्थापासून शोभेची दारू बनविण्याचे काम सुरू होते. दरम्यान मोठा स्फोट झाला आणि या घटनेत दत्तात्रय हा भाजून जखमी झाला.या स्फोटानंतर या शेडवरील पत्रे उडाले आणि जाळ व धुराचे लोळ उठले. त्याच्या शरीरावर मोठ्या प्रमाणात जखमा झाल्या. या स्फोटाच्या आवाजाने जवळचे शेतकरीही धावून आले आणि माहिती मिळताच पोलिसांनीदेखील घटनास्थळी धाव घेतली. त्यास सोलापूर येथील शासकीय रुग्णालय उपचारासाठी तत्काळ हलवण्यात आले. मात्र तो मृत्यूशी झूंज देत राहिला. रविवारी पहाटे त्याचा मृत्यू झाला. शासकीय रुग्णालयातून त्याचा मृतदेह जाधववाडीतील शेतात आणण्यात आला. रविवारी दुपारी त्याच्यावर अंत्यसंस्कार करण्यात आले. त्याच्या पश्चात आई-वडिल, पत्नी, पाच मुले, भाऊ, बहीण असा परिवार आहे.आचारी व्यवसायातून शोभेच्या दारुकामाकडेया घटनेपूर्वी अर्थात दहा वर्षांपूर्वी दत्तात्रय हा लग्न समारंभात आचारी म्हणून काम करीत होता. मात्र अर्थार्जन भागत नसल्याने आठ वर्षांपूर्वी तो शेटफळ येथील शिवप्पा निंबाळकर यांच्याकडे शोभेच्या दारुकामासाठी आला. त्यांनी बनविलेली शोभेची दारु, तोफा दत्तात्रय हा गावच्या यात्रांमध्ये आणि राजकीय सभा, विविध सोहळ्यांप्रसंगी उडवायचा. यातून काही दिवसांपूर्वी त्याने शोभेची दारु बनविण्याचा कारखाना जाधववाडीत सुरू केला होता असे पोलीस सूत्राकडून सांगण्यात आले.

रोजगार आणि स्वयंरोजगारासाठी बेरोजगारांनी काय करावे, कसे करावे, त्याची माहिती कलापथक पथनाट्यातून देत आहे. ...

सातारा शहर पोलिस ठाण्यात या घटनेची नोंद झाली असून, पोलिस नाईक बाबासो भिसे हे अधिक तपास करीत आहेत. ...

Amol Kolhe News: गेल्या काही दिवसांपासून खासदार अमोल कोल्हे राष्ट्रवादीत नाराज असल्याची चर्चा आहे. ...

१५ एप्रिल रोजी दुपारी दीड वाजताच्या सुमारास आंघोळीला जात असताना आस्थाच्या अंगावर गरम पाणी पडले. ...

Shiv thakare: शिवला या नव्या शोची ऑफर मिळाली असून तो आगामी पर्वात झळकणार असल्याचं म्हटलं जात आहे. ...

How Often Should You Get New Underwear : रोजच्या वापरातले अंडरगारमेंट्स कधी बदलावेत? याची एक्सपायरी डेट कधीपर्यंत असते? ...

माढा तालुक्यातील कारखान्यात शनिवारी झालेल्या स्फोटामध्ये हा युवक गंभीर जखमी झाला होता ...

Weekly Gold Price: गेल्या काही आठवड्यांपासून सोन्याचे दर मोठ्या प्रमाणात वाढले आहेत. ...