Latest Marathi News

Anil Ambani : उद्योगपती अनिल अंबानींसाठी दोन आनंदाच्या बातम्या आहेत. पहिली म्हणजे, त्यांच्या रिलायन्स इन्फ्रास्ट्रक्चरला सार्वजनिक क्षेत्रातील NHPC कडून एक नवीन ऑर्डर मिळाली आहे. ही ऑर्डर ३९० मेगावॅट सौर ऊर्जा प्रकल्प आणि ७८० मेगावॅट(MWh) बॅटरी ऊर्जा प्रणालीचा आहे. दुसरीकडे, रिलायन्स पॉवरने भूतानच्या सरकारी कंपनी ग्रीन डिजिटल प्रायव्हेट लिमिटेडसोबत एक नवीन संयुक्त उपक्रम सुरू करण्याची घोषणा केली आहे. दोन्ही शेअर्समध्ये अप्पर सर्किटदरम्यान, आज रिलायन्स पॉवर आणि रिलायन्स इन्फ्रा, या दोन्ही कंपन्यांचे शेअर्स सुमारे ५ टक्क्यांनी वाढले आहेत. रिलायन्स इन्फ्राचा शेअर बीएसई वर २६२.४० च्या मागील बंद पातळीपेक्षा १३.१० रुपये किंवा ४.९९ टक्क्यांनी वाढून २७५.५० रुपयांवर व्यवहार करत आहे, तर रिलायन्स पॉवरचा शेअर ४५.४४ रुपयांवर व्यवहार करत आहे, जो कालच्या ४३.२८ च्या मागील बंद पातळीपेक्षा २.१६ रुपये किंवा ४.९९ टक्क्यांनी जास्त आहे.रिलायन्स इन्फ्राला फायदा होणार रिलायन्स इन्फ्रास्ट्रक्चरने मंगळवारी एका निवेदनात म्हटले की, कार्यरत झाल्यानंतर ते रिलायन्स ग्रुप सेगमेंटमध्ये ७०० मेगावॅट सोलर डीसी क्षमता आणि ७८० मेगावॅट-तास बीईएसएस क्षमता जोडेल. यामुळे नवीन ऊर्जा उपायांमध्ये त्यांचे नेतृत्व आणखी मजबूत होईल.रिलायन्स पॉवर युनिटने केला करार रिलायन्स पॉवर युनिट रिलायन्स एंटरप्रायझेस प्रायव्हेट लिमिटेड (आरईपीएल) आणि ग्रीन डिजिटल यांनी भूतानमध्ये एक करार केला आहे, ज्यामध्ये दोघांचीही ५०:५० भागीदारी असेल. या उपक्रमाचा एक भाग म्हणून, आरईपीएलने २,२५,००० शेअर्स खरेदी करून ५०% हिस्सा मिळवला आहे. यामुळे रिलायन्स पॉवरला नवीन कंपनीत अप्रत्यक्षपणे २५% हिस्सा मिळाला आहे.(टीप- शेअर बाजारात गुंतवणूक करण्यापूर्वी तज्ञांचा सल्ला घ्या.)

मेंढपाळ व्यवसाय असल्याचे दाखवले ...

Auto Expo 2023 : मारुती जिम्नी लाँच करण्यासोबतच कंपनीने आपली बुकिंग विंडो देखील ओपन केली आहे. ...

सिनेमांमध्ये काम करणे बंद का केले असे सुनील शेट्टीला विचारण्यात आले. ...

अजिंठा-वेरूळ आंतरराष्ट्रीय चित्रपट महोत्सवाचे उद्घाटन ...

जातिवाचक शिवीगाळ करून जबरदस्तीने केले लैंगिक अत्याचार ...

पौष्टिक पदार्थ खाण्यास पसंती ...

राज्यातील विधान परिषदेच्या पदवीधर आणि शिक्षक मतदारसंघातील पाच जागांसाठी निवडणूक जाहीर झाली आहे. ...