Latest Marathi News

वाशिम : २0१0-११ चा आर्थीक वर्षामध्ये मंजूर झालेल्या वाशिम जिल्हयातील १७३ अंगणवाडयाचे बांधकाम मुदत संपल्यानंतर झाल्याने १७३ अंगणवाड्यांच्या बांधकाम निधीचे २ कोटी ५९ लाख ७४ हजार ७४0चा निधी शासनाकडे अडकून पडल्याने, त्यासर्व ग्रामपंचायती अडचणीत आल्या आहेत. वाशिम जिल्हयामध्ये २0१0-११ या आर्थिक वर्षात डिपीडीसीच्या ३९ व नाबार्डच्या १३४ अशा एकूण १७३ अंणगवाड्या मंजूर झाल्या होत्या. अंगणवाडी बांधकामासाठी ६ कोटी ९२ लाख रुपयांचा निधी मंजूर झाला. त्यापैकी २0१0-११ या आर्थिक वर्षामध्ये ४ कोटी ३१ लाख ९३ हजार २६0 रुपयाचा निधी मुदतीत खर्च झाला. परंतु या सर्व १७३ आंगणवाडयाचे बांधकाम मुदतीत पुर्ण न झाल्याने राहीलेले बांधकाम मुदतीनंतर पूर्ण केल्याने १७३ अंगणवाड्यांचा २ कोटी ५९ लाख ७४ हजार ७४0 रुपयाचा निधी संबंधित ग्रामपंचायतीला मिळालाच नाही. अखर्चीत निधी ग्राम पंचायतीला वितरीत करण्यासाठी शासनाची परवानगी घेणे गरजेचे आहे. जिल्हा परिषदेने त्यासाठी शासनाची परवानगी मागीतली आहे. मात्र आवश्यक परवानगी अद्यापपर्यंत न मिळाल्याने हे प्रकरण जैसे थे आहे. दरम्यान शासनाकडे अडकलेल्या निधीमुळे ग्रामपंचायती अडचणीत आल्या आहेत. यासंदर्भात जिल्हा परिषदेचे उपमुख्य कार्यपालन अधिकारी योगेश जवादे यांच्याशी संपर्क साधला असता त्यांनी मुदतीनंतर बांधकाम झालेल्या अंगणवाडयांच्या निधी संदर्भात कारणांसह अर्थ विभागाकडे माहिती देण्यात आली असल्याचे सांगीतले. मात्र अद्याप या संदर्भात राज्य शासनाकडून आजतागायत कोणतेही दिशा निर्देश प्राप्त झाले नाहीत. तसेच विस्तार अधिकारी तुषार जाधव यांनी १७३ अंगणवाडया राहीलेला निधी व खर्च करण्याची परवानगी मागणारा प्रस्ताव शासनाकडे केला असल्याचे सांगीतले. निधीसाठी पाठपुरावा सुध्दा संबधितांकडे केल्या जात असल्याचे त्यांनी सांगीतले.

शिझान सध्या 'खतरो के खिलाडी'मध्ये दिसत आहे. तर बहिण फलक नाझचंही नशीब चमकलंय ...

मध्य प्रदेशची राजधानी भोपाळच्या सातपुडा इमारतीला लागलेली आग तब्बल १४ अथक परिश्रमानंतर विझवण्यात यश आलं. ...

COWIN हे आरोग्य आणि कुटुंब कल्याण मंत्रालयाद्वारे विकसित आणि व्यवस्थापित केले जात आहे. ...

How to clean face at home : त्वचेच्या समस्येच्या दूर करण्यासाठी दूधाचा वापर केला जातो.(How to clean face at home) ...

४५२२ कोटी रुपयांची उलाढाल ...

गुजरात येथून वर्ध्यात पोत्यात कपाशीची बियाणं आणून रिपॅकिंग करणाऱ्यांचा पोलिसांनी पर्दाफाश केला. ...

दिशा मुंबईत केवळ ५०० रुपये घेऊन आली होती. ती म्हणते की, मी एकटी राहत होती. ...

Rashi Bhavishya : जाणून घ्या, कसा असेल तुमचा आजचा दिवस..., काय सांगते तुमची राशी... ...

लातूर जिल्ह्यातील घटना : एकाला अटक तर तीन जण फरार ...