Latest Marathi News

मोरेश्वर मानापुरे, लोकमत न्यूज नेटवर्क, नागपूर : आंतरराष्ट्रीय बाजारातील तेजीचा थेट परिणाम भारतीय बाजारपेठेत दिसून येत आहे. याचाच प्रत्यय गेल्या आठवड्यात सोने आणि चांदीच्या दरात झालेल्या लक्षणीय वाढीतून मिळाला. गुंतवणूकदारांचा वाढता कल, जागतिक अर्थव्यवस्थेत निर्माण झालेली अनिश्चितता आणि डॉलरच्या तुलनेत रुपयाचे झालेलं अवमूल्यन यामुळे मौल्यवान धातूंना मागणी वाढली आहे.सोने २,४०० आणि चांदीत ४,७०० रुपयांची उसळी!गेल्या सात दिवसांत नागपुरात सोन्याने तब्बल २,४०० रुपयांची झेप घेतली. शनिवारी सराफांकडे २४ कॅरेट दहा ग्रॅम सोने ३ टक्के जीएसटीसह १,१३,०९४ रुपयांत विकल्या गेले. चांदीनेही ४,७०० रुपयांची उसळी घेतली. भाव प्रतिकिलो १,३२,८७० रुपयांवर पोहोचले.सध्या लग्नसराई हंगाम जवळ येत असल्याने दागदागिन्यांच्या खरेदीत ग्राहकांची चांगलीच गर्दी वाढू लागली आहे. त्यातच सोने आणि चांदीचे दर दिवसेंदिवस चढल्याने व्यापारी वर्गामध्ये मिश्र प्रतिक्रिया आहे. तर, ग्राहकांसाठी चिंतेचा विषय आहे. दुसरीकडे गुंतवणूकदार दीर्घकालीन सुरक्षित गुंतवणुकीसाठी सोने आणि चांदीला प्राधान्य देत आहेत. आंतरराष्ट्रीय बाजारात चलनफुगवटा, मध्यपूर्वेतील तणावपूर्ण परिस्थिती आणि अमेरिकन फेडरल बँकेच्या धोरणांमुळे सोने आणि चांदीच्या किमतीमध्ये आणखी वाढ होण्याची शक्यता तज्ज्ञांनी वर्तविली. येत्या काळातही दरात चढउतार सुरू राहतील, मात्र सध्याच्या परिस्थितीवरून पाहता सोने आणि चांदीच्या किंमतीमध्ये स्थिरता येण्याची फारशी चिन्हे दिसत नसल्याचे व्यापाऱ्यांनी सांगितले. नागपुरात सोने-चांदीचे जीएसटीसह भाव :दिनांक सोने (२४ कॅरेट) चांदी (प्रतिकिलो)८ सप्टें. १,११,३४३ १,२८,९५६१० सप्टें. १,१२,९९१ १,२९,०५९१३ सप्टें. १,१३,०९४ १,३२,८७०

Telangana Election 2023: 'केसीआर संसदेत मोदींना मदत करतात आणि मोदी राज्यात केसीआरला मदत करतात.' ...

आयुर्वेदात लसूण हा वजन कमी करण्याचा सर्वात प्रभावी उपाय मानला जातो. ...

IPL 2024 Retention: कोलकाता नाइट रायडर्सने त्यांचा स्टार खेळाडू शार्दूल ठाकूरला रिलीज करण्याचा निर्णय घेतला आहे. ...

पिकांच्या काढणीस सुरुवात झाल्याने पावसामुळे पिकांचे नुकसान होण्याची शक्यता ...

मंगळवेढा तालुक्यात ही दुर्दैवी घटना घडली आहे. ...

पोलीस निरीक्षक तुषार लोटलेकर यांच्या मार्गदर्शनाखाली उपनिरीक्षक आदित्य वेळीप पुढील तपास करत आहेत. ...

सोशल मीडियावर निकिता गांधी ट्रेंड करत आहेत. तर निकिता गांधी कोण आहे हे जाणून घेऊया. ...

दुपारी दोन वाजताच्या सुमारास नगर, नाशिकच्या धरणसमुहातून पाण्याचा विसर्ग सुरू ...

३५०० पशुंची आवक : पंढरपूरच्या कपिला गायीला सर्वोच्च पाच लाखांची बोली ...