Latest Marathi News

लोकमत न्यूज नेटवर्कनागपूर : बिहार विधानसभा निवडणुकीपूर्वी मतदार नोंदणीवरून कळीचा मुद्दा ठरलेल्या आधार कार्डवरून चांगलाच सावळागोंधळ निर्माण झाला होता. ही बाब लक्षात घेता राज्यातील आगामी पदवीधर व शिक्षक मतदारसंघाच्या निवडणुकीपूर्वी मतदार नोंदणीसाठीही आधार कार्ड ऐच्छिक करण्यात आले आहे.राज्याच्या मुख्य निवडणूक अधिकाऱ्यांनी काढलेल्या पदवीधर मतदारसंघाच्या मतदारनोंदणी अधिसूचनेमध्ये नोंदणी अधिकाऱ्यांवर आधार कार्डबाबत कडक सूचना देण्यात आल्या असून, या कार्डअभावी कुणाचीही नोंदणी रद्द करू नये, असे स्पष्टपणे बजावले आहे. एवढेच नव्हे तर आधार कार्डची माहिती सार्वजनिक झाल्यास संबंधित मतदार नोंदणी अधिकाऱ्याविरूध्द कठोर शिस्तभंगाची कार्यवाही करण्यात येईल, असा इशारा दिला आहे. या निवडणुकीसाठी ३० सप्टेंबर २०२५ रोजी मतदार नोंदणीची सूचना प्रसिद्ध होईल. ३० डिसेंबर, २०२५ रोजी अंतीम मतदार यादी प्रसिद्ध केली जाणार आहे. पुढील वर्षी २०२६ मध्ये राज्यातील औरंगाबाद, पुणे, नागपूर पदवीधर आणि अमरावती, पुणे शिक्षक मतदारसंघाची निवडणूक होणार आहे. त्यासाठी १२ सप्टेंबरला राज्याच्या मुख्य निवडणूक अधिकाऱ्यांनी नोटीफिकेशन काढले आहे.अर्जाचा नवा नमुना प्रसिध्द होणारया निवडणुकीसाठी मतदार नोंदणी अधिनियम १९६० च्या कलम ३१(२) अन्वये जुना नमुना अर्जाच्या ऐवजी सुधारीत नमुना प्रसिद्ध् केला जाणार आहे. त्यासाठीचे छपाईचे आदेशही शासकीय मुद्रणालयास देण्यात आले आहेत.असा आहे कार्यक्रममतदार नोंदणी कायद्यानुसार जाहीर सूचना प्रसिद्ध करणे : ३० सप्टेंबरवर्तमानपत्रात नोटीस : १५ ऑक्टोबरवर्तमानपत्रात द्वितीय नोटीस : २५ ऑक्टोबरनमुना १८, १९ द्वारे दावे, हरकती स्वीकारण्याचा शेवटचा दिवस : ६ नोव्हेंबरप्रारुप मतदार याद्यांची छपाई : २० नोव्हेंबरप्रारुप मतदार याद्यांची प्रसिद्धी : २५ नोव्हेंबरदावे, हरकती स्वीकरण्याचा कालावधी : २५ नोव्हेंबर ते १० डिसेंबरपुरवणी यादी तयार करणे, छपाई करणे : २५ डिसेंबरमतदार यादीची अंतिम प्रसिद्धी ३० डिसेंबर

How to Use Turmeric For Grey Hairs : केस पिकले असतील आणि केसांचा काळेपणा टिकून राहावा यासाठी तुम्ही काही सोपे उपाय करू शकता. ...

शिक्षणमंत्री दिपक केसरकर यांच्या हस्ते वार्षिक कॉन्फरन्सचे होणार उद्घाटन ...

मुख्य अभियंता धनंजय औंढेकर यांच्या मार्गदर्शनाखाली कल्याण परिमंडलात वीजचोरी शोध मोहिम नियमितपणे सुरू आहे. ...

Tata Motors Share Price: टाटा मोटर्सने आज विक्रमी उच्चांक गाठला, ज्यामुळे गुंतवणूकदार शेअर्सवर तुटून पडले. ...

आपल्या सौंदर्याने घायाळ करणारी अभिनेत्री सनी लिओनी आज चाहत्यांच्या मनावर राज्य करत आहे. ...

Sayali Sanjeev : अभिनेत्री सायली संजीव आज तिचा ३१ वा वाढदिवस साजरा करत आहे. ...

क्रीडा विभागाचा सावळा गोंधळ ...